राजकुमार हीरानी
TSW Citation
फेमस बॉलीवुड सिंधी – नामवर फिल्म डायरेक्टर – मुन्ना भाई – सिंधी युथ
राजकुमार हीरानी नवजवान बॉलीवुड सिंधी पीढ़ी जो नुमाईंदो त आहे ई जिन बॉलीवुड सिंधी जमात जे कम करण ऐं प्रोफेशनल रुख जो आईनो पिणु आहे। इहे बॉलीवुड सिंधी हिंदी फिल्म इंडस्ट्री जा उहे प्रोडयूसर डायरेक्टर ऐं कलाकार आहिन जेके पहिंजो कमु कमालियत (perfection) सां पूरो करण जी पूरी पूरी खबरदारी वठन था। अजु जी नवजवान सिंधी पीढ़ी – सिंधी युथ – सिंधी कौम जे पेसो कमायिण जे रिवायती तरीके मतलब शयिन जे खरीद विकरो जे कारोबार खां अगते वधी रांदियुन [Sports], लेखक थियण ऐं वेन्दे कारखाना में वडी पगार ऐं वडे ओहदे वारी नौकरी खे पसंद करण जो रुख पिणु डेखारे पयी। जडहिं सिंधी कौम जे रिवायती कारोबार खां अलग कुछ करण जी गालिह थिये त बॉलीवुड सिंधी जी हुकूमत वारी फ़िल्मी दुनिया हिक कुदरती पसंद जे रूप में हमेशा मौजूद रहे थी। नागपुर में 20 नवंबर 1962 ते जन्म वरतल राजकुमार हीरानी नवजवान सिंधी युथ जे इन बदिलाव भरिये ऐं वधन्दड रुख जो तमाम सुठो ऐं कामियाब मिसाल आहे।
बायोग्राफी - राजकुमार हीरानी
नागपुर हुअं त महाराष्ट्र जो हिसो आहे ऐं राज्य जी मकानी भाषा मराठी आहे पर जीयं त नागपुर कहिं समे मध्य भारत [Central Provision] जो हिसो रहियो आहे अजु बि जाग्रफीअ मूजिब हिन्दी भाषी राज्य मध्यप्रदेश जे काफी वेझो ऐं गहरे लागापे में आहे जहिं करे नागपुर में हिंदी नाटकन वास्ते शुरू खां ई मुफ़ीद माहोल रहियो आहे। राजू हीरानी जे मन में नंढी उमर खां ई एक्टिंग लाय चाह हो तहिं करें विद्यार्थी जीवन में हू मकानी हिंदी थिएटर सां जुडियो। नागपुर में ग्रेजुएशन पूरो करण खां पोय राजूअ पुणे जो रुख कियो ऐं 1987 में “एडिटिंग” में महारत [स्पेशलाइजेशन] सां गडु फिल्म ऐं टेलीविजन इंस्टिट्यूट ऑफ़ इंडिया मां डिप्लोमा हासिल कियो।
मुंबई में राजू जा शुरुआती डीहं डुखिया त गुजारिया पर खेस घणो कुछ सेखारे विया जल्दु ही राजू एडिटर तौर शुरुआत करें ऐडवर्टाईजमेंट फिल्म्स – टेलीविजन कमर्शियल – जो प्रोडयूसर डायरेक्टर बणियो। मुल्क जे हर मशहूर ब्रांड जी ऐडवर्टाईजमेंट हिन ठाही ऐं पहिंजो प्रोडक्शन हाउस “कैनवास फिल्म्स” शुरू कियो। राजू हीरानी हिक अहिड़े डायरेक्टर तौर मशहूर थी वियो जहिं ते ब्रांड खे नयें ऐं अलग असिरायिते नमूने पेश करण वास्ते विशवास करे सघिजे। राजू खे बि कमु करण में ख़ुशी ऐं संतोष पियो मिले। डॉक्यूमेंट्री, आम सुजागी जा टेलीविजन कमर्शियल, टी वी सीरिअल्स ऐं म्यूजिक वीडियो हर हंद खिल जो मोको गोलिहे लहण ऐं माणुहुन जी भावनाउन मन खे छूअंदड विचार पेश करण जी सलाहियत सबब राजू कामियाबी हासिल कन्दो वियो।
“मिशन काश्मीर ” जी एडिटिंग दौरान राजकुमार हीरानी ऐं विधु विनोद चोपड़ा मिलिया ऐं जल्दु ई उहे बयी हिक बिये जा दोस्त बणिजी विया। ज़ी सिने अवार्ड्स जे कार्यक्रम में जिते राजकुमार हीरानी खे उन साल जे “बेस्ट एडिटर ” अवार्ड सां नवाज़ियो वियो उन कार्यक्रम जे दौरान ई बिन्ही पहिंजी नयीं फिल्म जो खाको तैयार करे वरतो।
वीडियो परिचय - राजकुमार हीरानी
राजकुमार हीरानी - कहाणी ऐं फिल्म जा किरदार
राजू हीरानी इन गालिह खां सुठी तरह सां वाकिफ हो त हिंदी फ़िल्मुन जी कामियाबी दर असुल में उन फिल्म जे कहिं चरित्र जी कामियाबी जे चौगिरद फिरन्दड आहे। चाहे उहो शोले (हिक बिये फेमस सिंधी प्रोडयूसर रमेश सिप्पी जी फिल्म जेका अजु बि सभ खां वधीक कमायीन्दड फिल्म लेखिजे थी) जो गब्बर हुजे या अदाकार प्राण जो फिल्म उपकार में निभाईल मलंग जो किरदार। इहे किरदार ई हुआ जेके फिल्म जा न सिर्फ मरकज़ हुआ पर इन्हन किरदारन ई फिल्म खे बॉक्स ऑफिस ते हिट बणायो।
राजकुमार हीरानी ऐं विधु विनोद चोपड़ा अहिडो हिकु बियो चरित्र “बोले तो मुन्ना भाई ” जेको रोल संजय दत्त कियो, डियण में कामियाब थिया ऐं संदन बयी फिल्म “मुन्ना भाई एम बी बी एस ” ऐं “मुन्ना भाई लगे रहो” सुपर हिट साबित थियूं। इन्हन मां मुन्ना भाई लगे रहो राष्ट्र पिता महात्मा गांधी जीवन ऐं विचारन खे डेखारे पयी। राजकुमार हीरानी ऐं विधु विनोद चोपड़ा जी जुगलबंदी जी कामियाबी जो अंदाजो इन गालिह मां पिण मिले थो जो हर फिल्म अवार्ड में इन्हन फिल्म्स खे बेस्ट फिल्म, बेस्ट डायरेक्टर, बेस्ट स्क्रिप्ट, बेस्ट एडिटर या बेस्ट एक्टर इन कॉमिक रोल अवार्ड्स मिलिया।
2010 में राजू हीरानी हिंदी फ़िल्मी दुनिया जे मशहूर एक्टर मिस्टर परफेक्‍शनिस्‍ट आमिर खान खे खणी फिल्म “थ्री इडियट्स ” ठाही ऐं इन फिल्म खे सालानो थियण वारन अलग अलग इंडियन फिल्म अवार्ड्स में सभ खां वधीक अहमियत वारे फिल्म फेयर अवार्ड कार्यक्रम में छह अवार्ड्स मिलिया।
राजकुमार हीरानी - फिल्मोग्राफी ऐं अवार्ड
आमु तौर रिवायत आहे त फिल्मोग्राफी मतलब फ़िल्मुन जी लिस्ट पर राजू हीरानी जी गालिह निराली आहे छो जो हिन खे ऐं संदस फ़िल्मुन खे मिलियिल अवार्ड्स जी लिस्ट फ़िल्मुन जी लिस्ट खां वडी आहे तहिं करे हेठि राजू हीरानी ऐं संदस फ़िल्मुन खे मिलियिल अवार्ड्स जी लिस्ट डिजे थी। अवार्ड केटेगरीन जा नाला अंग्रेजी में डिनल आहिन
साल 2004 फिल्म मुन्ना भाई एम बी बी एस
[1] National Film Award for Best Popular Film Providing Wholesome Entertainment – [2] Film fare Critics Award for Best Movie – [3] Film fare Award for Best Screenplay – [4] Film fare Award for Best Performance in a Comic Role – Sanjay Dutt – [5] Film fare Award for Best Dialogue – [6] IIFA Award for Best Editing – [7] IIFA Award for Best Screenplay – [8] IIFA Award for Best Editing – [9] IIFA Award for Best Screenplay
साल 2007 फिल्म मुन्ना भाई लगे रहो
[1] National Film Award for Best Popular Film Providing Wholesome Entertainment – [2] National Film Award for Best Screenplay – [3] Film fare Critics Award for Best Movie – [4] Film fare Best Story Award – [5] Film fare Best Dialogue Award – [6] IIFA Award for Best Dialogue – [7] IIFA Award for Best Story – [8] Bollywood Movie Award Best Director – [9] Stardust Dream Director Award – [10] Star Screen Award for Best Film – [11] Star Screen Award for Best Story – [12] Star Screen Award for Best Editing – [13] Zee Cine Award for Best Dialogue – [14] Zee Cine Award for Best Screenplay – [15] Zee Cine Award for Best Story – [16] Global Indian Film Awards for Best Film, Best Story, Best Dialogue
साल 2010 फिल्म थ्री इडियट्स
[1] National Film Award for Best Popular Film Providing Wholesome Entertainment – [2] Film fare Award for Best Film – [3] Film fare Award for Best Director – [4] Film fare Award for Best Dialogue – [5] Film fare Award for Best Story – [6] Film fare Award for Best Screenplay – [7] Star Screen Award for Best Director – [8] Star Screen Award for Best Screenplay – [9] Star Screen Award for Best Editing – [10] Star Screen Award for Best Dialogue – [11] IIFA Award for Best Movie – [12] IIFA Award for Best Editing – [13] IIFA Award for Best Dialogue – [14] IIFA Award for Best Screenplay – [15] IIFA Award for Best Story – [16] IIFA Award for Best Director
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.