राम जेठमलानी
TSW Citation
राम जेठमलानी भारत जो न सिर्फ बेहद महांगो पर सभ खां वधीक कामियाब क्रिमिनल लॉयर हुओ। टीम TSW खे फ़खुर आहे त राम जेठमलानी खे पंहिजे भारतीय कानून बाबत जेको लक़ब भारतीय कानून जो सिंधी विदवान उन में सिंधी अखर शामिल आहे। राम जेठमलानी जे जीवन जो हिकु रुख इहो आहे त हुन पहिंजे प्रोफेशनल जीवन ऐं सामाजिक जीवन में हमेशा अलहदगीअ जी हिक लीक कायम रखी। इहो ई सबब हुओ जो हिक वकील तोर स्मगलर हाजी मस्तान पारां कोर्ट में पेश थियण में हुन खे का खराबी न नज़र आयी। राम जेठमलानी जो मतलब इन गालिह सां हुओ त हाजी मस्तान केर आहे हुन जो मतलब हुओ वकील तोर कोर्ट में पेश थियण संदस पेशो आहे। पहिंजे इन बेबाक सुभावअ सबब राजनीती में पिणु हुन खे विवादन में फासिणो पवन्दो हुओ। बुनियादी तोर हिक खुशमिज़ाज़ शख्सु जेको ज़िंदगी में खिल ख़ुशी जे कहिड़े बि मोके खे शामिल करण खां परिहेज़ न कंदो आहे पहिंजी रुमानियत वासिते बि नामवर हुओ। राम जेठमलानी जी ज़िंदगी जी इहा लासानी खूबी रही जो न सिर्फ हुन पहिंजे अंदर जे बार खे हमेशा ज़िंदह रखियो पर पाण खे बुजुरिगु पिण न थियण डिनो।
बायोग्राफी - राम जेठमलानी
फेमस सिंधी वकील ऐं सियासतदान – भारतीय संविधान जो सिंधी विदवान
सिंध जी सरज़मीं पहिंजो विदवानन ऐं महान शख़्सियतुन जी जन्म भूमी हुअण जो लकब हिक भेरो वरी साबित कियो। हिन भेरे शहर हो शिकारपुर जो जिते 14 सितम्बर 1923 ते श्री बूलचंद गुरमुखदास जेठमलानी जे घर संदस धर्मपत्नी पार्वती बूलचंद हिक छोकिरे खे जन्म डिनो। इन बार जी ज़हनी क़ाबिलियत वासिते इहो लिखण काफी आहे त हिन खे न सिर्फ स्कूल में ट्रिपल प्रमोशन मिलियो पर सिर्फ 17 सालन जी उमर में हुन एल एल बी जो इम्तिहान बि पास करे वरतो। जीवन जी हिउ शुरुआत कहिं बिये जी न पर भारत जे फेमस सिंधी वकील ऐं सियासतदान राम जेठमलानी जी आहे। हिउ उहो शख्स आहे जेको अगते हली भारतीय संविधान [कायदे कानून ] जो सिंधी विदवान नाले सां मशहूर थियो। जहिं वास्ते सिंध जे चीफ जस्टिस खे नियमन जी तबदील बाबत हिकु खास आर्डर जारी करणो पियो जीयं 17 सालन जो राम जेठमलानी बतौर वकील कोर्ट में हाज़िर रही सघे।
5 सितम्बर 1947 ते हिन जी शादी रतना सां थी ऐं जोड़े खे बिन छोकिरन ऐं बिन छोकरन जे रूप में चार औलाद आहिन। विरहांङें खां पोय राम जेठमलानी कुटुंब सूधो मुंबई में रहण लगो। जलदु ही कोर्ट में पहिंजे क्रॉस एग्जामिनेशन जी दलीलुन वासिते मशहूर थी वियो ऐतिरो जो केतिरा वकील पहिंजो कमु छड़े बि हिन जूं दलीलूं बुधण लाय कोर्ट में हाज़िर रहण लगा।
राम जेठमलानी खे संदस स्मगलर हाजी मस्तान पारां कोर्ट में हाज़िर रहण जे फेसिले काफी घणी मशहूरी डिनी पर केहर सिंह (इंदिरा गांधी जी हत्या जे इलज़ाम में गिरफतार) जे डिफेंस कौंसिल तौर कमु करण जे हिन जे फेसिले खेस केतिरा ई डीहं अख़बार जे पहिरियें पेज ते छपजंदड खबरुन जो मरक़ज़ बणाये छडियो।
अजु राम जेठमलानी मुल्क जो पहिरियों नंबर क्रिमिनल वकील लेखियो वेन्दो आहे। किन हिन खे क्रोधी (जल्दु गुसो कन्दड़ ), किन मज़ाकिया सुभावअ वारो, किन मज़ेदार शख्सियत, किन सदा नवजवान त किन वरी तेज़ बुध्दीअ वारो जे लकब सां नवाज़ियो आहे। किन बियन जी नज़रुन में राम जेठमलानी भारत जी सियासत जी उहा नामवर हस्ती आहे जहिं सां हमेशा को न को विवाद जुडियिल हूंदो आहे, हुनन जो चवण आहे राम जेठमलानी मतलब तक़रार , तक़रार मतलब राम जेठमलानी। जे इन तक़रार जो सबब डिसजे त उन जी पाड़ बि राम जेठमलानी जे खुशमिज़ाज़ ज़िंदगी जियण जे तरीके में ई आहे छाकाण त हुन खे कहिं बि विषय ते पहिंजा बेबाक विचार रखण में कडिहिं का झिझक महसूस कोन थी।
राम जेठमलानी जी सियाणप ऐं कानून जी जाण बेमिसाल आहे। शायद इन सबब जडहिं 1980 में भारतीय जनता पार्टी ठही त बीजेपी जो संविधान तैयार करण वारी कमेटी में सुंदर सिंह भंडारी ऐं सिकंदर बख्त सां गडु ट्रियों नालो हिन जो हुओ। पहिंजे कामियाब सियासी सफर में राम जेठमलानी मरकज़ी कानून मंत्री (अटल बिहारी वाजपेयी सरकार 1986) खे शामिल कन्दे केतिरन ओहदन ते रही चुको आहे।
जडिहिं हू अर्बन डेवलपमेंट मिनिस्टर थियो हो उन वक़त तमाम घणन अलॉटमेंट जे केसन में वकीलन जी फी भरण सबब डी डी ए (दिल्ली डेवलपमेंट अथॉरिटी) घाटे में हुयी। हिन डी डी ए जे ऑफिसर्स खे ठहियिल कॉलोनीन में गडु वठी वंञी हर हिक फिलेट में बिजली ऐं पाणी जो बंदोबसतु करण जे कम ते लगायो। मतलब हिन सिस्टम खे आमु माणुहुअ खे सहूलियत डियण जे कम ते लगायो। बिजली पाणी जी सहूलियत मिलन्दे ई नागरिक अलॉट थियिल फ्लैट्स में रहण लगा जहिं करे अलॉटमेंट जा केस खतम थिया ऐं डी डी ए जा पैसा बचण सबब घाटो पूरो थी वियो मतलब सरकार जो बि फायदो थियो। बीजेपी जे सियासी अगुवान तोर राजीव गांधी खां डह सवाल पुछण बि राम जेठमलानी केतिरो वक़त अखबारुन जी सुर्खीयुन जो हिसो रहियो हो।
राम जेठमलानी पहिंजे खिल मुख सुभावअ वासिते बि मशहूर आहे हालांकि हू अहिड़े पेशे सां जुडियिल आहे जो कोर्ट जी मर्यादा जो मानु रखण सबब नियम कायदन में बधियल आहे पर तहिं हूंदे बि हिन ज़िन्दगीअ में खिल जो मोको विञायो कोन्हे। सियासी हलकन में त हिन जे खिल मुख ऐं मज़ाकिया सुभावअ जा केतिरा किसा मशहूर आहिन।
हिन जी ज़िन्दगीअ में खिल जी अहमियत समझण वासिते संदस अटल बिहारी वाजपेयी सरकार में कानून मंत्री जे ओहदे तां इस्तीफो डियण वारी घटना काफी आहे। जेठमलानी पुणे जे लॉ स्टूडेन्ट्स जी हिक मीटिंग में शिरकत वठण वास्ते पुणे आयो हो। मीटिंग शुरू थियण खां अगु खेस प्रधान मंत्री जे हिन जे इस्तीफे जी चाह जो नियापो मिलियो। हिन मीटिंग शुरू करण खां अगु ई पहिंजो इस्तीफो P.M.O. खे फैक्स वसीले डियारे मोकिलियो। पोय उन हाल में दाखिल थियो जिते स्टूडेंट हिन जो इन्तिज़ार पिया कन। हाल में दाखिल थी स्टेज तां हिन जेके पहिरियां अखर चया हुआ से हुआ “दोस्तों मुखे माफ़ कजो छाकाण त मां उहो सागो जेठमलानी कोन आहियां जहिंजो तव्हां इन्तिज़ार पे कियो , तव्हां इन्तिज़ार पे कियो कानून मंत्री राम जेठमलानी जो ऐं हिन वक़त मां इन ओहदे ते कोन आहियां। “
राम जेठमलानी अजु बि 85 सालन जो नवजवान चंचल ऐं शैतान बारु आहे जेको पहिंजी गर्ल फ्रेंड्स जो आज़मूदो बुधायिण वासिते बेसबुरो आहे। हुन में उहो जोश, जज़्बो, उत्साह ऐं उमंग आहे जो अज़ोके कहिं मॉडर्न छोकिरे सां कहिं बि विषय ते गालिहाये सघे थो। राम जेठमलानी जी जीवन ऐं कामियाबी जी दास्तां हिते पूरी कोन थिये थी। असां द सिंधु वर्ल्ड में संदस वडी आरजा वास्ते वाहेगुरु खे अरजु कयूं था जीयं सां खे बि संदस बायोग्राफी अपडेट करण जो मोको मिलन्दो रहे।
वड़े दुख जी गालिह आहे जो कायदे कानून जे हिन सिंधी विदवान राम जेठमलानी जो संदस 96 जन्म डीन्ह खां सिर्फ 6 डीन्ह अगु 8 सितम्बर 2019 ते सुरगवासु थियो।
सियासी ऐं सामाजिक कमियाबियूं
भारत जो राष्ट्रपती थियण वासिते पहिंजी उमीदवारी जाहिर करण वारे राम जेठमलानीअ 1987 में पहिंजी अलग नयीं सियासी पार्टी भारत मुक्ती मोर्चा ऐं 1995 Pavitra Hindustan Kazhagam बरपा कयूं हुयूं पर बुनियादी रुप में हू भारतीय जनता पार्टी सां जुडियल रहियो। पहिंजे कामियाब सियासी तोड़े सामाजिक जीवन राम जेठमलानी संस्थाउन सां जुडियो रहियो आहे। हेठि संस्थाउन / कमेटिन जा नाला डिजन था जिन सां राम जेठमलानी बतोर मेंबर जुड़ियल हुओ :
इंटरनेशनल बार एसोसिएशन (1996)
छहीं ऐं सतीं लोक सभा
कमेटी ऑन सबओर्डिनेट राज्य सभा (1994 -1996)
कमेटी ऑन ट्रांसपोर्ट एंड टूरिज्म (1993 -1996)
कमेटी ऑन होम अफेयर्स (1996 -1997)
राज्य सभा (1998 में कर्नाटक मां, 1994 में महाराष्ट्र मां ऐं 2010 में राजस्थान मां)
राम जेठमलानी खे क्रिमिनल वकील बि चयो वेन्दो आहे पर इहो संदस हयाती जो हिकु रुख [पेशेवर जीवन ] आहे। हिन जी शख्सियत जे बिये हकीकी रुख जी जाण इन गालिह मां पवे थी त 1997 में राम जेठमलानी खे हूयूमन राइट्स अवार्ड मिली चुको आहे।
राम जेठमलानी - हिकु लेखक
राम जेठमलानी जो नालो मुल्क ऐं दुनिया जे किन खास चूंडियल लेखकन में शुमारियो वेन्दो आहे। हिन न सिर्फ केतिरा लेख वक़त ब वक़त इंडियन एक्सप्रेस, इलस्ट्रेटेड वीकली ऐं बियन लॉ जर्नल वासिते लिखिया आहिन पर कानून ते संदस लिखियिल ब किताब बि छपिजी चुका आहिन।
राम जेठमलानी जा लॉ बुक्स
कफिलिटक्स ऑफ़ लॉज़
जस्टिस सोवियत स्टाइल
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.