रनवीर सिंह भावनानी
TSW Citation
बॉलीवुड सिंधी वाशिंदन मां हिकु रनवीर सिंह अहिड़ो सिंधी एक्टर आहे जहिं जे सिंधी हुजण ते केतिरिन खे शकु हुओ। पर जडहिं रनवीर ऐं दीपिका जी शादी थी त इहो शकु बि दूर थी वयो छाकाण त इहा शादी सिंधी शादी जी रसमुन रिवायतुन मूजिब थी। हकीकत इहा आहे त रनवीर सिंधी सिख परिवार में (अंजू हिंगोरानी ऐं जसजीत सिंह भावनानी) जन्म वरतो आहे। बॉलीवुड सिंधी एक्टर रनवीर जे सामहूं इहो सुवाल हुओ त छा संदस नालो रनवीर सिंह भावनानी हिंदी फिल्म जे शैदायिन वासिते याद रखण (वडो नालो हुजण करे) डुखियो त न थींदो? हिते सिंधी कौम जी मशहूर धंधे करण जी सियाणप संदस मददगार साबित थी ऐं हुन पहिंजे ऑन स्क्रीन नाले में भावनानी न जोड़िण जो फेसिलो कयो।
बायोग्राफी - रनवीर सिंह भावनानी
भारतीय फिल्म ऐं टेलीविजन इंडस्ट्री जे घर मुंबई के सपनन खे हकीकत जो रूप डियण वारो शहर पिण चयबो आहे। मुंबई जे हिक आमु सिंधी – सिख व्यापारी परिवार जे, बिटटु जे नाले सां सड़ियो वंञण वारे, रनवीर सिंह भावनानी, मुंबई बाबत इन चवणी खे हिक भेरो वरी साबित कियो। 6 जुलाई 1985 ते जन्म वठण वारे रनवीर जी पहिरियीं फिल्म बैंड बाज़ा बारात [2010] कहिं धमाके खां घटि कोन हुयी। बॉलीवुड जो नामवर, कामियाब ऐं वडो प्रोडक्शन हाउस यशराज फिल्मस इन फिल्म सां जुडियिल हुओ। इहा हिक आम रोमांटिक कॉमेडी फिल्म हुयी पर तहिं हून्दे बि बॉक्स ऑफिस ते बेहद कामियाब थी छो जो नओं हून्दे बि फिलमुन जे शौकीनन खे रनवीर में हिक खास कशिश महसूस थी। इन फिल्म वास्ते रनवीर बि घटि मेहनत कोन कयी हुयी। फिल्म में पहिंजे दिल्ली जे छोकिरे जे किरदार में हकीकत जा रंग भरण वास्ते हुन कुछ डीन्ह दिल्ली यूनिवर्सिटी जे कैंपस में गुजारिया हुआ। रनवीर जी इहा मेहनत सकारथी थी छो जो 56 फिल्म फेयर अवार्ड्स में खेस साल जे बेस्ट मेल डेब्यू जे अवार्ड्स सां नवाज़ियो।
नवजवान सिंधी एक्टर रनवीर न सिर्फ फिल्म डिसण वारन पर फिल्म जी नुक्तचीनी करण वारन जी पंहिरियिन पसंदगी मां हिकु बणिजी पियो। रनवीर जी बियूं बयी फिल्मस लुटेरा ऐं गोलियों की रासलीला राम – लीला संदस अदाकारी जे हुनर जो मिसाल साबित थियूं। मशहूर प्रोडयूसर डायरेक्टर संजय लीला भंसाली सां रनवीर सिंह जी जोड़ी त जणु कामियाबी जी गैरंटी बणिजी पयी। ट्रिन सालन जे नंढे अरसे में इन्हन जूं बाजीराव मस्तानी ऐं पदमावत न सिर्फ कामियाब साबित थियूं पर इन्हन फिल्मस सभनी खे रनवीर जी अदाकारी जो दीवानो बणाए छडियो। गुन्डे, बेफिकिरे, सिम्बा ऐं गल्ली बॉय जहिडिन कामियाब फिल्मस खां पोय त रनवीर न सिर्फ मशहूर पर वधि में वधि कमायिण वारन एक्टर में शामिल थी वियो।
कोरोना जे सबब रनवीर सिंह जूं जेके फिल्मस तैयार त आहिन पर रिलीज़ न थी सचियूं आहिन उन्हन में 83 [कपिल देव जे जीवन सां जुडियिल], सूर्यवंशी ऐं जयेशभाई ज़ोरदार मुख्य आहिन। डहन सालन जे नंढे अरसे में चार भेरा फिल्म फेयर अवार्ड खां सिवाय बिया केतिरा अवार्ड बि रनवीर खे मिली चुका आहिन जिन जी तफ़सील हेठि अलग सां डिनल आहे।
कॅरियर तोर फिल्मस जी शुरुआत करण वक़त रनवीर सिंह सिंधी कौम जे धंधे करण जी क़ाबिलियत जो सियाणप भरियो उपयोग कियो। हिन महसूस कियो त फ़िल्मी दुनिया जी रिवायतुन मूजिब संदस नालो रनवीर सिंह भावनानी न सिर्फ वड़ो लेखियो वेन्दो पर शायद कामियाबी जी राह में रुखनो बि साबित थी सघे थो तहिंकरे हिन फेसिलो कियो त फ़िल्मी दुनिया जे संदस नाले में भावनानी शामिल न हूंदो।
परिवार ऐं शुरुआती जीवन [बालपणो]
अंजू [हिंगोरानी] ऐं जसजीत सिंह भावनानी जे पुट्र जे रूप में जन्म वठण वारे रनवीर खे बालपणे खां ई फिलमुन में एक्टिंग करण जी चाहत हुयी। बियन हज़ारन सिंधियिन वांगुर सुन्दरदास भावनानी [डाडो] बि परिवार सूधो कराची – सिंध मां लड़े मुंबई अची रहियो हो ऐं हू सदायीं रनवीर खे पहिंजी चाहत पूरी करण वास्ते होसिलो डीन्दो रहंदो हुओ। स्कूली पढ़ायी जे दौरान रनवीर केतिरन ई नाटकन जो हिसो रहियो। पहिंजी डाडीअ जे जन्म डीन्ह जे मोके ते हिन अमिताभ बच्चन जी फिल्म हम जे चुम्मा चुम्मा गाने ते डांस पेश कयी हुयी। मौजूद सभनी जी साराह रनवीर खे वड़ी हिमथ डिनी।
नवजवानी जे शुरुआत में रनवीर महसूस कियो त हिंदी फिलमुन में हीरो जो रोल हासिल करण सवलो न आहे सो शुरुआती पढ़ायी [H.R. College of Commerce and Economics] पूरी करे वधीक तैलीम वास्ते हू यूनाइटेड स्टेट रवाना थी वियो ऐं इंडियाना यूनिवर्सिटी मां बेचलर ऑफ़ आर्ट्स जी डिग्री हासिल करे मोटियो।
2018 जे नवंबर जी 14 तारीख ते इटली जे लेक कोमो में रनवीर सिंह ऐं दीपिका पादुकोण जी शादी कोकणी ऐं सिंधी शादी जी रिवायतुन ऐं रसमुन मूजिब थी।
फ़िल्मोग्राफी
साल दर साल रिलीज़ थियल फिल्म लिस्ट
रनवीर जा हासिल अवार्ड
फ़िल्मफेयर अवार्ड:
2010 बेस्ट मेल डेबियू (बैंड बाज़ा बारात) – 2016 बेस्ट एक्टर (बाजीराव मस्तानी) – 2018 बेस्ट एक्टर “क्रिटिक” (पदमावत) – 2019 बेस्ट एक्टर (गल्ली बॉय )
स्टार स्क्रीन अवार्ड
2011 मोस्ट प्रोमिसिंग न्यू कमर (बैंड बाज़ा बारात) – 2016 बेस्ट एक्टर (बाजीराव मस्तानी) – 2019 – बेस्ट एक्टर (पदमावत) – 2020 -बेस्ट एक्टर (गल्ली बॉय)
ज़ी सिने अवार्ड्स
2011 बेस्ट मेल डेबियू (बैंड बाज़ा बारात) – 2016 बेस्ट एक्टर (बाजीराव मस्तानी) – 2019 बेस्ट एक्टर (पदमावत) – 2020 -बेस्ट एक्टर (गल्ली बॉय)
इंटरनेशनल इंडियन फिल्म अकाडेमी अवार्ड
2011 बेस्ट मेल डेबियू (बैंड बाज़ा बारात), 2011 – 2016 बेस्ट एक्टर (बाजीराव मस्तानी) – 2019 बेस्ट एक्टर (पदमावत)
दादा साहिब फालके अवार्ड
वेझडायीअ में रणवीर खे फिलम 83 में कपिल देव जो किरदार बेहतरीन नमूने अदा करण वासिते दादा साहिब फालके अवार्ड (2022 ) बेस्ट एक्टर सां पिणु नवाजियो वयो आहे।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.