प्रो. रवी प्रकाश टेकचंदानी
Introductory
सदा साणु सीतादेवी ऐं डॉ कर्मवीर टेकचंदानी जन जी संतान रवीप्रकाश देश जे 1947 वारे विरहाङे खां पोय भारत में जावल सिंधी पीढ़ियिन जी नुमाईंदगी करे थो। हिन वकत (2023) भारत सरकार जे तेलिमी खाते जे राष्ट्रीय सिंधी भाषा विकास परीषद (NCPSL) जे ओहदे ते कम कंदड रवीप्रकाश टेकचंदानी उनहन किन थोरन सिंधी नवजवानन में शुमारियल आहिन जिन न सिरफ उची तेलीम हासिल कयी आहे पर पहिंजी तेलीम जे खेतर में कमु कंदे कामियाबी जी बुलंदी ते पहुता आहिन। इहो धियान में आणिण जरुरी आहे त खासकरे 1970 खां पोय जावल भारतीय सिंधी उची तेलीम हासिल करण खे तरजीह डियण वारो पहिंजो रुख जाहिर करण में पुठिते न आहिन। बस इहो आहे जो तकनीकी ऐं उची तेलीम हासिल कियल सिंधी नवजवानन जो हिकु वडो हिसो पहिंजी तेलीम जे खेतर में न पर परिवार जे विरासती धंधनमे रुधियल नजर अचे थो।
रवी प्रकाश टेकचंदानी : शखसी वाकिफियत
माता: सीतादेवी टेकचंदानी
पिता: डॉ कर्मवीर टेकचंदानी
जनम तारीख: 25 जून 1968
जनम इसथानु: अयोधिया उतरपिरदेश भारत
तेलीम : M. Com., M.A. (Sindhi), Ph.D. (Sindhi), Diploma in Urdu
रवी प्रकाश टेकचंदानी : पेशेवर जीवन Professional Life
केतिरिन ई खेतिरन में पहिंजी सलाहियतुन जो इजिहार करे चुका डॉ रवी प्रकाश घणि भाषी सिफत रखण वारी शखसियत आहिन खेनि सिंधी, हिंदी ऐं अंग्रेजी भाषाउन जो त काफी गहरो गियान आहे। हिक प्रोफेसर जे रुप में जीवन जी शुरुआति करण वारे हिन साहिब अगिते हली अखतियारी ऐं संभाल करण वारन ओहदन ते कमु कियो। हिन वकत (2023) राष्ट्रीय सिंधी भाषा विकास परीषद (NCPSL) जे डायरेक्टर जे ओहदे ते हुजण वारो हीउ अदल सेंट्रल हिंदी डायरेक्टरेट जो बि डायरेक्टर रही चुको आहे। Ph.D. या M.Phil. करण वारन बेशुमार शागिरदन जा मददगार ऐं गाइड हुजण वारा डॉ टेकचंदानी यू. पि. सिंधी अकादमी समेत वीहन खां बि वधीक तेलीमी संस्थाउन ऐं सोसाइटिन सां बतोर मेंबर जुडियल आहिन।
पोयन बिन डहाकन में घटि में घटि 25 मोकन ते रवी प्रकाश टेकचंदानी साहिब अदबी रिसालन जे एडिटर / सबएडीटर / मेहमान एडिटर / माहिर सलाहकार या चेयरमैन तोर कमु कियो आहे। हिक अदबी खोज करण वारे जे रुप में केतिरा ई खोज लेख पेश करण वारे डॉ टेकचंदानी जा अहमियत वारा खोज प्रोजेक्ट आहिन A Linguistic Socio-Cultural Study ऐं Sindhi Folk Culture and Folk Literature in India: A Study.
साहितिक योगदान
अदब जी हर सिंफ में चाहे उहो पहिंजे असुल लिखियल किताबन जे रुप में हुजे या तरजुमे जे रुप में डॉ टेकचंदानी मुलिहाइतो योगदान डिनो आहे। 2020 तायीं संदन पहिंजा लिखियल पंज किताब छपिजी चुका आहिन जिन में आखिरी किताब सरयू से सिंधु 2018 में छपीजियो हुओ। घटि में घटि 12 किताबन जो हुनन तरजुमो कियो आहे। संदन तरजुमो किअल किताबन में सिंधी अदब में लासानी योगदान डियण वारन मोतबर अदीबन हरी मोटवानी (अजो – नावेल ), सुंदरी उतमचंदानी (बंधन – कहाणियूं), साहित अकादमी अवार्ड सां नवजियल गोवरधन महबूबानी भारती (शीशे जा घर – कविता) चोइथराम गिडवानी (जीवनी) ऐं विष्णु शर्मा जूं रचनाउं शामिल आहिन।
किताबी झरोखो
रवी प्रकाश टेकचंदानी : अवार्ड ऐं सनमानु
अदबी जीवन जे गुजिरियल बावीह सालन में चालीहन खां बि वधीक भेरा अलग अलग संस्थाउन जे पारां रवी प्रकाश जो सनमानु कियो वियो आहे या खेनि अवार्ड सां नवाजियो वियो आहे। के मुखिय तहजीबी, सामाजिक ऐं अदबी अवार्ड आहिन :
सिंधु दर्शन सनमानु (सिंधु दर्शन अभियान समिति दिल्ली )
युवा साहित्यकार पुरस्कार (भाउराव देवरस सेवा न्यास लखनउ )
सिंधी रचनाकार सनमानु (हिंदी साहित्य सम्मलेन 2004 प्रयाग )
भारतीय भाषा सनमानु (हिंदुस्तान समाचार,बहुभाषी संवांद समिति दिल्ली )
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.