रवी वासवानी
TSW Citation
रवि वासवानी हिकु अहिड़ो बॉलीवुड सिंधी कलाकार हुओ जहिं चाहे काफी घटि हिन्दी फिल्म्स में अदाकारी जो ज़लवो डेखारियो पर चाहे उहे कॉमेडियन जे रूप में संदस जाने भी दो यारों फिल्म में निभायल किरदार हुजे या चश्मेबद्दूर जे आशिक़ मिज़ाज़ु नवजवान जो हरि बॉलीवुड हिंदी में संदस अदाकारी जी समझ, हुनर ऐं किरदार खे समझी पहिंजी अदाकारी में मुनासिब बदिलाव करण वारा रंग चिट्राई सां उभिरजी असिरायिते नमूने सामहूं आया आहिन। अदाकारी जे हिन लाजवाब फनकार पहिंजे बॉलीवुड कॅरियर में लगभग 30 फिल्म्स में कमु कयो हुआ। रवि वासवानी अहिडो बॉलीवुड सिंधी कलाकार थी गुजरियो आहे जहिं खे चाहे फिल्म्स जे तादाद जे लिहाज खां यादि न रखियो वञे पर जहिं जे फन खे विसारिण सवली गालिह न आहे।
बायोग्राफी - रवी वासवानी
1983 में रिलीज़ थियिल कुंदन शाह जी फिल्म “जाने भी दो यारों ” जेका बॉक्स ऑफिस ते तमाम वधीक कामियाब थी तहिं बॉलीवुड जे फिल्म ठाहीन्दड ऐं हिंदी फिल्म जे दीवानन खे बॉलीवुड सिंधी एक्टर रवि वासवानी जे एक्टिंग जे हुनर जी सलाहियतुन जो सही ऐं हकीकी परिचय डिनो। अीयें त रवी वासवानी जी पहिरियीं फिल्म “चश्मे बदूर ” (१९८१) खां ई फ़िल्मकार ऐं फिल्म डिसण वारा संदस एक्टिंग जा कायिल थी पिया हुआ।
ओन्टैरिओ कनाडा जी ट्रेंट यूनिवर्सिटी में एक्टिंग जी पढ़ायी कियिल रवी वासवानी जो जन्म 29 सितम्बर 1946 ते थियो हो। विद्यार्थी जीवन खां ई हू कॉमेडियन तौर पहिंजी अदाकारी ऐं मिलियिल किरदार खे सुठी तरह सां निभायिण जी क़ाबिलियत लाय मशहूर हो। रवी वासवानी जो जन्म दिल्ली जे हिक सिंधी कुटुंब में थियो हो संदस स्कूली पढ़ायी मसूरी में थी त हिन पहिंजी ग्रेजुएशन दिल्ली यूनिवर्सिटी मां दिल्ली जे करोड़ीमल कॉलेज जे विद्यार्थी तौर पूरी कयी। कॉलेज जे समे में हू न सिर्फ कॉलेज जे ड्रामा क्लब जो मेंबर हो पर एक्टिंग वास्ते केतिरा ई इनाम खटी चुको हो।
1981 जी चश्मेबदूर खां ई फिल्म प्रोडयूसर हिन नयें सिंधी एक्टर रवी वासवानी जे नाले सां जेको कॉमेडियन तौर बेहतरियिन एक्टिंग करें पियो वाकिफ थी विया हुआ ऐं खेस पहिंजी फ़िल्मुन में कमु करण जो वझु डियण वास्ते मोके जी गोलिहा में हुआ। अटकल 30 सालन (1981 खां 2010) जो वडो अरसो बॉलीवुड जी चमकीली ऐं चकाचौंध वारी दुनिया में गुजारिण खां पोय बि रवी वासवानी शराब पियण या सिगरेट छिकिण जहिडियिन तंदरुस्ती ख़राब कन्दड आदतुन खां बचियल हो।
एक्टिंग खां सिवाय रवी वासवानी “पंछी ” जहिडियिन कुछ चूंडियल टेलीविजन सीरियल जो डायरेक्शन पिण कियो हो। 27 जुलाई 2010 ते रवी वासवानी जी मौत बाबत बुधी सजो बॉलीवुड सदमे ऐं अज़ब में पयजी वियो छो जो पहिंजे पसंदीदा हिल स्टेशन नैनीताल मां दिल्ली मोटण वक़त हल्द्वानी में हार्ट अटैक सबब हिन हुनरमंद सिंधी एक्टर जो सुरगवासु थियो।
रवी वासवानी - अवार्ड्स
रवी वासवानी खे बॉलीवुड में केतिरा ई अवार्ड्स मिलिया पर सभ खां वधीक अहमियत वारो अवार्ड हो “बेस्ट कॉमेडियन” “फिल्म फेयर अवार्ड” जो हिन खे 1984 जी फिल्म “जाने भी दो यारों ” वास्ते मिलियो।
रवी वासवानी - फिल्मोग्राफी
रवी वासवानी अटकल 30 फ़िल्मुन में कमु कियो संदस चूंड फ़िल्मुन जी लिस्ट हेठि डिजे थी।
2006 :: अन्थोनी कौन है?, मानसून, यूं होता तो क्या होता – 2005 ::बंटी और बबली, लकी, नो टाइम टु लव – 2001 ::प्यार तूने किया क्या – 2000 :: चल मेरे भाई – 1998 :: छोटा चेतन , जब प्यार किसीसे होता है – 1996 :: रिटर्न ऑफ़ ज्वेल थीफ – 1994 :: लाडला – 1993 :: कभी हां कभी ना , रौनक – 1992 :: जान तेरे नाम – 1986 :: लव 86, मैं बलवान, पीछा करो – 1984 :: अब आएगा मज़ा – 1983 :: धत तेरे को – जाने भी दो यारों – 1981 :: चश्मेबद्दूर
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.