साधना
TSW Citation
बॉलीवुड जी सिंधी एक्ट्रेस – फैशन आइकॉन – मिस्ट्री गर्ल – सिंधी फिल्म -अबाणा
बॉलीवुड सिंधी एक्ट्रेस साधना हिंदी फिल्म जे शुरुआती दोर जी कामियाब ऐं मशहूर इंडियन फिल्म एक्ट्रेस लेखियो वेन्दो आहे। ब्लैक ऐं वाइट फिल्म्स जो दोर खतम थियण खां 1960-1970 जहिं समे देश में हिंदी फिल्म वासिते दीवानगी बुलंदी ते हुयी उन समे में साधना बॉलीवुड फिल्म जे दीवानन वासिते फैशन आइकॉन हुयी। साधना जे फ़िल्मी सफर जी शुरुआत वक़त संदस उमिर सिर्फ 15 साल हुयी जो खेसि सिंधी फिल्म अबाणा वासिते साइन कयो वयो हुओ ऐं इन सिंधी फिल्म अबाणा वासिते हिक लखु रुपिया मेहनतानो मिलियो हुओ। 1964 खां 1968 जे विच में साधना जूं हिक बिये पुठियां ट्रे सस्पेंस फिल्म रिलीज़ थियूं ऐं नवजवान में फैशन आइकॉन तोर मशहूर साधना हिक नयें लक़ब मिस्ट्री गर्ल सां मशहूर थी वयी। साधना जी कुल फिल्म्स मां लगभग डेढ़ डज़न फिल्म खे हिट फिल्म लेखियो वेन्दो आहे।
बायोग्राफी - साधना शिवदासानी
छहें ऐं सतें दशक [1960 -1970] जी हिंदी फ़िल्मुन जी मशहूर हीरोइन साधना शिवदासानी ऐं नामचीन सिंधी सियासतदान श्री लालकृष्ण आडवाणी में हिकु अज़ब लागापो आहे बिन्ही हसितिन जी जन्म भूमी आहे कराची सिन्ध जिते सिंधी साहित जी क्रान्तिकारी लेखिका पोपटी हीरानंदानी जो बि जन्म थियो हो। साधना जो जन्म 2 सितम्बर 1941 ते थियो हो पर मुल्क जे विरहांङें तायीं मतलब 1947 तायीं हुन जी स्कूली पढ़ायी शुरू कोन थी हुयी छो जो घर में अकेलो बार हुअण सबब खेसि वड़े लाड कोड सां पालियो वियो ऐं मायट्रन खे साधना जेको वक़त स्कूल में गुजारे उहो विछोड़ो बि कबूल कोन हो।
शिवदासानी कुटुंब में फ़िल्मुन वास्ते मुफ़ीद माहोल हो ऐतिरो जो साधना जो इहो नालो सिर्फ इन करें रखियो वियो छो जो संदस पिता जी पसंदीदा हीरोइन हुयी साधना बोस। विरहांङें खां पोय शिवदासानी कुटुंब मुंबई आयो जिते साधना जी स्कूली पढ़ायी शुरू थी।
साधना जी पढ़ायी जे दौर में पहिरियीं सिंधी फिल्म “अबाणा” जी शूटिंग शुरू थी हुयी फिल्म जी यूनिट जे कहिं मेंबर साधना खे हिक नाटक में कमु कन्दे डिठो ऐं फ़क़त पन्दिरहन सालन जी साधना खे हिकु लख रूपियन जे मेहनताणे ते हीरोइन जी नंढी भेण जे रोल वास्ते फिल्म में शामिल कियो वियो। “अबाणा” साधना वास्ते हिक फिल्म न पर पहिंजन सपनन जी दुनिया में पहिरियों कदम हुओ।
बॉलीवुड जे मशहूर प्रोडयूसर सुबोध मुखर्जी 1960 में फिल्म “लव इन शिमला” जी हीरोइन जे रूप में साधना खे पेश कियो। फिल्म जो डायरेक्टर आर के नायर हिकु 22 सालन जो नवजवान हो ऐं फिल्म जी शूटिंग जे दौरान बिन्ही में प्यार थी वियो। जीयं उन समे हिकु त साधना नाबालिग हुयी बियो त शिवदासानी परिवार खे नायर पसन्द कोन हो तहिं करे इहो प्यार कहिं अजांम तायीं पहुची कोन सघियो। हकीकत में साधना जी खास हेयर स्टाइल – जा अजु बि “साधना कट ” नाले सां मशहूर आहे सा – आर के नायर जी सोच ऐं तसवुअर जो नतीज़ो हुयी। फिल्म लव इन शिमला बॉक्स ऑफिस ते ऐतिरो कामियाब थी जो साधना रातों रात स्टार थी वयी। इन फिल्म खां पोय हुन केतिरिन ई फ़िल्मुन में कमु कियो।
फ़िल्मी दुनिया में हीरोइन जे चूड़ीदार सलवार कुरिते ऐं रवे (ओढनी) जे दोर जी शुरुआत साधना 1965 जी हिट फिल्म “वक़त ” खां शुरू कयी। इन्ही दौर में राज कपूर सबब साधना खे आर के नायर सां वरी कमु करण जो मोको मिलियो हिन भेरे हुनन कहिं को वझु न डिनो ऐं 1966 में शादी कियाऊँ।
पहिंजे अनोखे हेयर स्टाइल “साधना कट” सबब साधना नवजवान छोकिरिन जी फैशन आइकॉन जे रूप में मशहूर हुयी। साधना कट खां सिवाय साधना पहिंजे अखियुन में खास तरीके सां काजल लगायिण, खास नमूने सां गिचीअ में दुपटो (रवो) पाईण, कनन में वडे आकार वारा वाला, अलग अलग नमूनन जा जूड़ा ठाहिण, शरारा या टाइट सलवार सां बिना बांह वारो कुरतों पायिण जहिडिन गालिहियिन सबब बि फैशन आइकॉन लेखी वेन्दी हुयी। सस्पेंस फिल्म “वो कोन थी “(१९६४), “मेरा साया ” (१९६५) ऐं “अनीता ” (1968 ) इन्हन ट्रिन फिल्म जे हिक बिये पुठियां रिलीज़ ऐं कामियाब थियण खां पोय त साधना “मिस्ट्री गर्ल” जे रूप में बि मशहूर थी वयी।
साधना 1974 तायीं हिंदी फ़िल्मुन में कमु कियो। इन वक़त में हुन कुल 33 फ़िल्मुन में एक्टिंग कयी जिन मां लगभग 20 फ़िल्मुन खे सुपर हिट फ़िल्मुन जे दरिजे में रखियो वेन्दो आहे। साधना जी आखरीयन फिल्म “गीता मेरा नाम” हुयी जहिं में हुन डबल रोल कियो हो।
साधना पहिंजे वक़त जे हर नामवर डायरेक्टर ऐं मशहूर हीरो सां फिल्मूँ कयूं पर राज खोसला हिकु अहिडो डायरेक्टर जो जहिं सां साधना “वो कोन थी “(1964), “मेरा साया ” (1965) ऐं “अनीता ” (1968) जहिडियिन बेमिसाल ऐं कामियाब फिल्म्स में कमु कियो हो। हिक इंटरव्यू में राज खोसला बाबत साधना चयो हो “असां जी हिक बिये वास्ते समझ ऐतिरी वधीक आहे जो गडु कमु करण वक़त असां पाण खे वधीक सहूलियत वारी हालत में महसूस कन्दा आहियूं। हुन (राज खोसला खे ) मुहिंजी एक्टिंग जे लिहाज खां ताकत ऐं कमज़ोरी जी बिये कहिं डायरेक्टर जी भेट में वधीक समझ आहे। “
1968में पहिरियों भेरो हिंदी फ़िल्मी दुनिया खे साधना जी ख़राब तन्दुरिसिती बाबत खबर मिली। हुन खे थाइरोइड सां लागापो रखन्दड बीमारी हुयी। 25 दिसंबर 2015ते साधना जो सुरगवासु थियो।
फिल्मोग्राफी - साधना शिवदासानी
साधना जी कुछ चूंड कामियाब फ़िल्मुन जा नाला आहिन
1960 लव इन शिमला – :1961 हम दोनों -: 1962 असली नकली – : 1963 मेरे महबूब – :1964 दूल्हा दुल्हन – : 1965 वक़त – : 1966 गबन – : 1967 अनीता – : 1969 एक फूल दो माली – : 1970 इश्क़ पर ज़ोर नहीं – 1971 आप आये बहार आयी – : 1972 दिल दौलत दुनिया – : 1974 छोटे सरकार ऐं गीता मेरा नाम
साधना - अवार्ड
साधना जी 1964 जी वो कौन थी ऐं 1965 जी फिल्म वक़त वासिते खेसि उन साल जे फिल्म फेयर अवार्ड वासिते बेस्ट हीरोइन केटेगरी में नॉमिनेट कयो वयो हुओ पर इहो IIFA 2002 जो लाइफ टाइम अचीवमेंट अवार्ड आहे जेको साधना खे मिलियो हुओ।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.