सलोनी आसवानी
Introductory
हाणोके समे जो सिंधी युथ बराबर सिंधी गालिहायिण में पोयिते पवन्दो नज़र अचे थो पर इहो सिंधी युथ भारत जे घणि भाषी माहोल न सिर्फ पसंद थो करे पर हिक खां वधीक भाषाउन ते सुठो जाबितो बि रखण जी कोशिश करे थो। नतीज़ो इहो आहे त अजु सिंधी युथ पंहिजे अदाकारी जे फन ऐं मॉडलिंग जे हुनर जे मुज़ाहिरे वासिते सिर्फ बॉलीवुड हिंदी फिल्म्स ऐं मुंबई ते मदार न थो रखे। सलोनी आसवानी हिकु अहिड़ो ई नालो आहे। वंदना आसवानी जे रूप में उल्हासनगर में जावल ऐं मुंबई में पढ़ी वडी थी सलोनी आसवानी अजु साउथ इंडियन फिल्म इंडस्ट्री में हिक नामवर चेहरो आहे। शुरुआत त सलोनी बॉलीवुड हिंदी फिल्म सां कयी हुयी ऐं खेसि सलोनी आसवानी जे नाले सां बॉलीवुड जे मशहूर डायरेक्टर सावनकुमार टांक 2003 में दिल परदेसी हो गया में हीरोइन जे रूप में फिल्म दीवानन सामहूं आन्दो हो। नयीं सिंधी युथ पीढ़ी में शामिल सलोनी आसवानी जे कॅरियर बाबत हेठि जानकारी शामिल कजे थी।
सलोनी आसवानी - बायोग्राफी ऐं कॅरियर
सिंधी फिल्म एक्ट्रेस – मॉडल – साउथ इंडियन फिल्म इंडस्ट्री
मुंबई जी मशहूर सिंधी फिल्म एक्ट्रेस ऐं मॉडल सलोनी आसवानी साउथ इंडियन फिल्म इंडस्ट्री में हिक नामवर शख्सियत आहे। सलोनी जो जनम 01 जून 1977 ते उल्हासनगर में थियिल आहे। संदस असुल नालो वंदना आसवानी आहे। सलोनी जो पिता नॉरकोटिक्स डिपार्टमेंट में असिस्टेंट कमिशनर जे पद ते कमु करे रहियो हो ऐं जहिं वकत सलोनी जी उमर पंज साल बि कोन हुयी जो पिता खे रहण वास्ते वडाला में सरकारी कुवारटर मिलियो नतीज़े तौर सलोनी जी स्कूली सिखिया मुंबई में थी। हुन श्रीमती नाथीबाई दामोदर ठाकरसी [SNDT ] वूमेन यूनिवर्सिटी मां साइकोलॉजी विषय में ग्रेजुएशन कियो।
नंढे हूंदे खां ई सलोनी खे एक्टिंग जो जुनून हो। हुअ किलाकन जा किलाक श्रीदेवी जी नकल [मिमिक्री] कन्दे गुजारीयिंदी हुयी। रिवायती सिंधी कुटुंब वांगुर हिते बि घर वारन खे सलोनी जो ही जुनून पसंद न हो ऐं घर वारा चाहिन पिया त सलोनी कहिं बिये खेतर में महारत हासिल करे। सलोनी जी खुशकिस्मतीअ सां खेस माउ जे रूप में मददगार मिलियो। हुअ पीउ खे बुधायिण खां सिवाय पहिंजो पोर्टफोलियो ठाहिरायिण में बि कामियाब थी। एक्टिंग सिखण खातिर सलोनी न सिर्फ अशोककुमार जी अकैडमी ऑफ़ ड्रामेटिक आर्ट्स में दाखिला वरती पर हिक थिएटर ग्रुप कला संसद सां बि जुड़ी।
एक्ट्रेस तौर पहिंजी पहिरियीं फिल्म खां अगु सलोनी मॉडल तौर केतिरन टेलीविजन ज़ाहिरात [commercials] जहिडो कि वेसलीन, लाइफ बॉय, पैराछूट तेल, मूव, चिक शैम्पू वगैरह में कमु करे चुकी हुयी एितरो ई न पर मॉडलिंग मां सलोनी सुठा पैसा बि कमाये रही हुयी पर संदस एक्टिंग जी पियास अधूरी हुयी।
हिन्दी फ़िल्मी दुनिया खे सलोनी जो परिचय डियण जो जसु बॉलीवुड जे मशहूर डायरेक्टर सावनकुमार टांक खे आहे जहिं वन्दना जो नालो बदलाए सलोनी कियो। 2003 में “दिल परदेसी हो गया “, जहिं फिल्म में कपिल झवेरी, अमरीश पूरी, आशुतोष राणा, मुकेश ऋषि ऐं प्रेम चोपड़ा जहिडा नामवर अदाकार कमु कन पिया, वसीले सलोनी खे हीरोइन तौर पेश कियो पर फिल्म खे का खास कामियाबी कोन मिली।
हिंदी फ़िल्मुन सां गडोगडु सलोनी साउथ इंडियन फिल्म इंडस्ट्री में पिणु कमु पे कियो। 2005 में संदस तेलगु फिल्म्स धाना 51 ऐं Oka Oorillo रिलीज़ थियूं पर बॉक्स ऑफिस ते इहे बि कामियाब कोन थियूं। 2006 में सलोनी जूं हिन्दी फिल्मूं “रहगुज़र” ऐं “सावन द लव सीजन ” रिलीज़ थियूं इन्हन मां सावन …. में त बॉलीवुड स्टार सलमान खान बि हो पर तहिं हूंदे बि फिल्म बॉक्स ऑफिस ते कामियाबी हासिल करण में कामियाब कोन थी।
2009 में रिलीज़ थियिल कन्नड़ फिल्म “दुबई बाबू ” में सलोनी जे कम जी सभनी साराह कयी, इन ई साल में सलोनी एस एस राजमौली जे ड्रीम प्रोजेक्ट ऐं वडे बजट वारी फिल्म “मगधीरा” में कमु कियो। इन फिल्म में कमु कन्दे राजमौली ते संदस टैलेंट जो असर थियो, हुन सलोनी खे टॉलीवुड जे मशहूर एक्टर सुनील जी हीरोइन तौर फिल्म मरयादा रामन्ना में पेश कियो। इहा फिल्म न सिर्फ बॉक्स ऑफिस हिट साबित थी पर सलोनी बि मशहूर थी वयी।
2012 में सलोनी खे तेलुगु फिल्म बॉडीगॉर्ड वास्ते बेस्ट एक्ट्रेस इन सपोर्टिंग रोल जो SIIMA अवार्ड मिलियो। हुअ फिल्म फेयर में बि नॉमिनेट थी। सलोनी जूं कुछ फिल्म्स जेके रिलीज़ थियण ते आहिन उन्हन में जग्गी ऐं शिवम् मुख्य आहिन।
फिल्मोग्राफी - सलोनी आसवानी
सलोनी जी चूंड फ़िल्मुन जी लिस्ट (2003 -2021)
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.