संजना गलरानी
TSW Citation
अजु जे सिंधी युथ जे विचारन ऐं कम करण जे तरीके जो बेहतरीन अकस आहे सिंधी परिवार में जनम वठण वारी मकबूल सिंधी एक्ट्रेस, मॉडल संजना गलरानी। संजना जी कामियाबी इहा न आहे त 2006 में कन्नड़ फिल्म सां साउथ इंडियन फिल्म जगत में दाखिल थी हुन बेहद थोरे वक़त में अटकल पंजाहु फिल्मस में पंहिंजी अदाकारी जे जलवे सां बॉलीवुड फिल्म दीवानन खे मोहे छडियो आहे। संजना जी वडी कामियाबी इहा आहे जो सिरफ 12 सालन जी उमिर में मॉडलिंग शुरू करे अजु हुअ इन खेतर जो मकबूल नालो आहे। सिंधी युथ फ़खुर सां चवंदो आहे त हिक सिंधी छोकिरी संजना जो नालो लिम्का बुक ऑफ़ वर्ल्ड रिकॉर्ड में एशिया जी अकेली एक्रो योग करे सघण वारी मॉडल एक्ट्रेस तोर दाखिल आहे। टीम TSW मकबूल सिंधी शख्सियत संजना गलरानी जे जीवन ऐं कामियाबी बाबत जानकारी हेठि शामिल करे थी।
संजना गलरानी - जीवन ऐं कामियाबी बाबत
10 अक्टूबर 1989 ते बेंगलोर जे हिक सिंधी परिवार में जन्म वठण वारी संजना गलरानी जो शुमार भारत जे मकबूल मॉडल तोड़े डखण भारतीय फिल्म्स जी कामियाब ऐं मशहूर फिल्म एक्ट्रेस में थिये थो। पहिंजे जन्म नाले सां मॉडलिंग जे सफर जी शुरुआत करण वारी अर्चना गलरानीअ अगिते हली पहिंजो नालो बदिलाये संजना गलरानी कियो। संजना जो नालो पहिरियों भेरो 2006 सुरखिन में संदस पहिरियीं फिल्म Ganda Hendathi [कन्नड़ भाषा में] जे रिलीज़ वकत आयो। इन फिल्म जे गानन तोड़े फिल्म जे बियन हिसन में पहिंजी रुमानियत ऐं जिस्मानी ख़्वाईशिन जे इजिहार जे रंगन सां भरियल अदाकारी सबब संजना फिल्म जे नुकतचीनीकारन जी निगाह जो मरक़ज़ बणिजी पयी। हालांकि बॉक्स ऑफिस [कमायी] जे लिहाज खां इहा फिल्म का खास कामियाबी हासिल कोन करे सघी पर फ़िल्मी दुनिया जे नामवरन खे संजना जे एक्टिंग जे हुनर जी झलक ज़रूर डेखारे वयी।
संजना जो बालपणो बेंगलोर में गुजरियो आहे ऐं उते ई उन पहिंजी तैलीम हासिल कयी आहे। संजना खे बारिहन साल जी उमिर में मॉडलिंग को मोको मिलियो सो हुन पढ़ायी कन्दे बतोर मॉडल जे कम जो सिलसिलो शुरू रखियो। सोरिहन साल जी नंढी उमिर में संजना खे तमिल फिल्म Oru Kadhal Seiveer आशी वयी हालांकि संदस पहिरियीं रिलीज़ फिल्म Ganda Hendathi [कन्नड़] आहे। इन्हन फिल्म्स खां संजना बिना कलाकारन जी में नाला शामिल हुअण जे फिल्म Soggadu में फ़िल्मी परदे ते नज़र अची चुकी हुयी। 2008 में पुरी जगननाथ जी तेलुगु फिल्म Bujjigadu संजना गलरानी जे फ़िल्मी सफर खे सही रूप में कामियाबी राह ते आणिण वारी साबित थी। फ़िल्मी कॅरियर जे लिहाज खां 2011 ऐं 2012 जा साल संजना वास्ते सभ खां बेहतर साबित थिया आहिन।
मशहूर एक्टर मॉडल जॉन अब्राहम सां गडु कियिल फ़ास्ट ट्रैक जी अड्वॅरटॉयजमेन्ट [जहिं संजना खे मॉडलिंग में कामियाब बणायो] खे मिलाये संजना गलरानी 100 खां वधीक अड्वॅरटॉयमेन्टस में मॉडल जे रूप में शामिल थी चुकी आहे। अठन भाषाउन, मातृभाषा सिंधी खां सिवाय, हिंदी, अंग्रेजी, तेलुगु, तमिल, कन्नड़, मलयालम ऐं उर्दू में महारत रखण वारी संजना खे घणि भाषी कलाकार चवण गलत न आहे। एक्रो योग जे खेतर में पिण खेस हिक खास कामियाबी हासिल आहे, एशिया जी फिल्म एक्ट्रेस में हुअ एक्रो योग करे सघण वारी अकेली अदाकारा आहे। 104 किलाक साइकिलिंग करण सबब संजना गलरानी जो नालो लिम्का बुक ऑफ़ वर्ल्ड रिकॉर्ड में बि दरजु आहे।
हेल तायीं लगभग पंजाहु फिल्म्स जे सफर में संजना, तमिल, तेलुगु, कन्नड़ ऐं मलयालम फिल्म्स जे सभनी सुपर स्टार्स जहिड़ो कि प्रभास राजू, पवन कल्याण, दर्शन, शिवराज कुमार, किच्छा सुदीप,ममूटी ऐं मोहनलाल सां गडु बतोर हीरोइन फिल्म्स करे चुकी आहे। टेलीविजन जी दुनिया में संदस ARKA मीडिया वर्क [फिल्म बाहुबली जा प्रोडयूसर] जी Swarnakhadgham सभ खां वधीक मशहूर थी आहे। हाणोकी रिवायत मूजिब संजना हिंदी, तमिल ऐं तेलुगु भाषा में वेब सीरीज में बि कमु करे रही आहे। किच्छा सुदीप सां गडु कन्नड़ बिग बॉस में कमु करण वारी संजना गलरानी कर्नाटक जे घर घर में शोहरत हासिल करे चुकी आहे।
Sanjjanaa Galrani Filmography
संजना गलरानी जी हेल तायीं रिलीज़ फिल्म्स जी चूंड लिस्ट हेठि डिनिल आहे:
संजना गलरानी - अवार्ड्स
2011 – द बैंगलोर टाइम्स फिल्म अवार्ड – बेस्ट एक्ट्रेस इन निगेटिव रोल – फिल्म: Mathe Banni Preethsona
2016- GMASA पारां सोशल मीडिया सेलिबिरेट्री अवार्ड
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.