शीला रामानी
TSW Citation
बॉलीवुड हिंदी फिलमुन जे सुनहरे अयं सोराहें संसार में जिन सिंधी अदाकाराउन मशहूरी,ओज ऐं कामियाबी जी बुलंदीअ वारो मुकाम हासिल कयो आहे उनहन में हिकु अहमियत वारो नालो आहे सदा साणु शीला रामानी – जहिं पहिंजे फिलमी नाले में पहिंजे सरनेम केवलरामानी खे रामानी जे रुप में वापिरायो। 02 मार्च 1932 ते कराची सिंध में एफ एम केवलरामानी जी धीउ जे रुप में जनम वठण वारी शीला रामानी हिंदी फिलमुन में पहिंजी बेहतरीन अदाकारी ऐं डांस जे लाजवाब हुनर जे जोर ते मशहूर हरदिल अजीज अयं कामियाब कलाकार जो मुकाम हासिल कियो। बॉलीवुड में जेकडहिं साधना पहिंजे खास साधना कट हेअर इसटाइल वासिते मशहूर हुयी त शीला जी सुंञाणप संदस पोशाक (ड्रेस) हुयी। चयो वेंदो आहे त शीला खे वरी सागी ड्रेस में डिसण लाय घटि में घटि छह महीना इंतिजार करणो पवंदो हुओ। शीला रामानी भारत जी पहिरियीं सिंधी फिलम अबाणा जी हीरोइन हुयी।
शीला रामानी : बायोग्राफी - फिलमी सफर
शीला रामानी लाय अदाकारी को नओं खेतर कोन हुओ छाकाण त संदस नानाणा फिलमी दुनिया सां जुडियल हुआ। 1947 जे विरहाङे वकत बि उहे भारत लडे न आया ऐं अगिते हली उनहन इसलाम कबूल कियो। बावजूद शीला जे हिंदू रहण जे अयं भारत जे रहण में रिशता कायम रहिया। शीला जो मामो लछू या शेख लतीफ पाकिस्तान जो हिक मशहूर फिलम प्रोडियूसर बणियो। मामे ते चवण ते 1956 में शीला पाकिस्तानी फिलम अनोखी (फिलम 1959 में रिलीज थी हुयी ) में बतोर हीरोइन कमु करण लाय कराची वयी हुयी। शीला रामानी भारत जी पहिरियीं सिंधी अदाकारा हुयी जहिं विरहाङे खां पोय कहिं पाकिस्तानी फिलम में कमु कियो हुओ।
फिलमी सफर जी शुरुआति करण खां अगु शीला केवलरामानी 1948 में मिस मसूरी त 1950 में मिस शिमला बणिजी चुकी हुयी। संदस पहिरियीं फिलम 1952 जी बदनाम हुयी, जहिं में श्यामा ऐं बलराज सहानी मुखिय कलाकार हुआ। 1952 में ई संदस हिक बी फिलम आनंद मठ पिणु आयी। इनहन फिलमुन में शीला जे कम जी साराह त काफी थी खेसि का खास मशहूरी हासिल न थी। इहो जरुर थियो जो मशहूर फिलम प्रोडयूसर वी शांताराम खे शीला जो कमु ऐतिरो पसंद आयो जो हुन पहिंजी बिन फिलमुन सुरंग अयं तीन बत्ती चार रसते जे कलाकारन में शीला जो नालो शामिल कियो। 1953 में आयल फिलम तीन बत्ती चार रसते में शीला रामानी परिवार जी सिंधी नूहं जो किरदार निभायो हुओ। शायद त बॉलीवुड हिंदी फिलमुन में इहा अकेली फिलम आहे जहिं में हिकु सजो गानो सिंधी भाषा में आहे, जेको शीला रामानी ते फिलमायल आहे।
लगभग बिन डजन फिलमुन में कमु करण वारी शीला रामानी जी हिक यादगार फिलम आहे 1954 में आयल टॅक्सी ड्राइवर। इन फिलम में शीला एंग्लो इंडियन नाईट क्लब डांसर लिली जो किरदार निभायो हुओ। फिलम टॅक्सी ड्राइवर जी हिक खास गालिह हुयी जो फिलम जे हीरो देवानंद ऐं हीरोइन कल्पना कार्तिक जे हिसे में त हिकु हिकु सोलो सांग आयो पर फिलम जा चार सोलो सांग शीला ते फिलमाया वया हुआ। देवानंद सां अगिते हली 1956 में आयल फिलम फंटूश में बि शीला कमु कियो हुओ। 1967 मेंआयल आवारा लड़की शीला रामानी जी आखिरी हिंदी फिलम आहे।
मामे जी फिलम में कमु करे कराची मां मोटी अची शीला रामानी भारत जी पहिरियीं सिंधी फिलम (1958) अबाणा जे कलाकारन में बतोर हीरोइन शामिल थी। इन सिंधी फिलम अबाणा में साधना बि शामिल हुयी अयं साधना फिलम में हीरोइन शीला रामानी जी नंढी भेण जो किरदार निभायो हुओ। 31 मार्च 1963 ते शीला मुंबई जे मशहूर पारसी जाल एडी कोवासजी – जेको 1981 तायीं बॉम्बे डाइंग जो प्रेसीडेंट रहियो हुओ – सां शादी कयी। फिलमुन में कम करण बंद करण खां पोय शीला मुडुस सां गडु बिन टिन सालन जेतिरे वडे अरसे लाय श्रीलंका, कोलंबिया अयं ऑस्ट्रेलिया में रही।
1984 में मुडुस जे सुरुगवास थियण खां पोय शीला भारत छडे विदेश हली वयी हुयी। नयीं सदी जी शुरुआति में खेसि खराब सेहत हुजण सबब खेसि भारत वापस मोटी अचणो पियो। भारत में मोटी अची शीला मध्यप्रदेश जे इंदौर शहर जी वेझडायी में महू में पहिंजे विरासती घर में रहण लगी। 15 जुलाई 2015 ते हिंदी फिलमुन जी बेहतरीन डांसर अदाकारा अयं पहिरियीं सिंधी फिलम अबाणा जी हीरोइन शीला केवलरामानी जो सुरगवासु थियो।
शीला रामानी : फिलमोगिरफी
रिलीज थियण जे साल मूजिब चूंड फिलमुन जा नाला
Badnam (1952) – Anand Math (1952) – Surang (1953) – Teen Batti Char Raasta (1953) – Taxi Driver (1954) – Naukri (1954) – Mangu (1954) – Meenar (1954) -Railway Platform (1955) – Funtoosh (1956) -Anokhi (1956) – Abana – Sindhi (1958) – Jungle King (1959) – The Return of Mr. Superman (1960) – Awara ladki (1967)
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.