जहाज़ जा कुआ

विचार बदिलजण में का देर कोन थी लगे इन गालहि जी पूठभरायी निखिमिणेमल अजु कयी। मुहिंजो खियाल हो त निखिमिणेमल जी सियासी समझ तमाम महदूद आहे पर चवंदा आहिन न त बंद घड़ियाल बि चोविहन किलाकन में 2 भेरा त सही वक़त डेखारे थो सो निखिमिणेमल बि इहा गालिह साबित कयी त सियासत जी समझ में बि हू सियाणो आहे।

2019 जूं चूंडियूं त अंञा परे आहिन पर एस पी सर तव्हां खे खबर आहे त NDA में शामिल सियासी पार्टियूं बेचैन छो नज़र पयूं अचन ? खास करे गुजरात इलेक्शन जे रिजल्ट खां पोय बीजेपी वास्ते इन्हन जी दांह  वधण जो सबुब कहिड़ो आहे?

साई निखिमिणामल जिते चार बरतन हूंदा उते आवाज़ त थींदो न ? हिते त सियासत जी गालिह आ। जिते न को हमेशा दुशमन रहे न हमेशा दोस्त ? 25 साल गडु रहण खां पोय जे किन सियासी पार्टीयिन खे लगे थो त बीजेपी उन खे खतम करण पुठियाँ पयी आहे त आवाज़ बुलंद करण में गैर वाज़िब छा आहे?

न ! न ! एस पी सर ! इते ई तव्हां गलत आहियो। दरअसल में गुजरात जे नतीज़न इहो अहसास पैदा कियो आहे त जीयं शाइनिंग इंडिया जी रोशनी में वाजपेयी सरकर गरकु थी वयी हुयी तीयं न्यू इंडिया जे समुन्ड में मोदी सरकार जे जहाज जे बुड़ी वञण जो इमिकान पैदा थी वियो आहे। हाणे तव्हां जहिड़े समझदार इंसान खे इहो बुधायिण जी ज़रूरत त कोन्हे त बुडन्दड़ जहाज़ खे केर सभ खां पहिरियूं छड़े वेन्दो आ ?

सवाल इहो आहे त छा तव्हां बि निखिमिणेमल जी राय सां सहमत आहियो ?