श्रीचंद कृपलानी
TSW Citation
प्रधानमंत्री नरेंद्र मोदी जो चवण आहे त हाणे घराणे शाही जो दोर न रहियो आहे हाणे हिक आम माणुहू वासिते बि वड़े आला ओहदे ते पहुचण मुमकिन आहे। सिंधी राजनेता,18 जुलाई 1958 ते राजस्थान जे चित्तौरगढ़ ज़िले जे नंढड़े शहर निम्बाहेड़ा में जन्म वरतल श्रीचंद कृपलानी जी जीवन ते धियान डियो, जहिं हिक भेरो विधान सभा ऐं ब भेरा लोक सभा चूंडिन में कामियाबी हासिल करण सां गडु राजस्थान सरकार में मंत्री तोर कमु कयो आहे त समझ में अचे थो त जेका गालिह प्रधानमंत्री मोदी अज़ु चवे थो तहिं खे हिन नवजवान सिंधी राजनेता केतिरा ई साल अगु हकीकत जो जामो पहिराये डेखारियो आहे। टीम TSW वासिते फ़खुर जी गालिह आहे जो हिकु भेरो वरी हिक सिंधी साबित कयो त चाहे खेतर राजनीती जो छो न हुजे सिंधी नवजवान कामियाबी हासिल करण में पुठिते न आहिन।
बायोग्राफी: श्रीचंद कृपलानी
फेमस सिंधी सियासतदान – राजस्थान कैबिनेट – बी जे पी लीडर- सिंधी राजनेता
10 दिसम्बर 2016 ते राजस्थान जी बी जे पी सरकार जे मंत्रिमंडल जे विस्तार में श्री श्रीचंद कृपलानी खे वसुंधरा राजे जे मंत्रिमंडल में शहरी विकास व आवास मंत्रालय जे कैबिनेट मिनिस्टर तौर शामिल कियो वियो। न सिर्फ भारत जे सिंधी समाज पर निम्बाहेड़ा जे रहवासिन वास्ते बि इहो ख़ुशीअ भरियो यादगार डींहुं आहे छो जो राजस्थान सरकार में मंत्री जो ओहदो हासिल करण वारो श्रीचंद कृपलानी सिर्फ बियो सियासतदान आहे। श्रीचंद खां अगु वासुदेव देवनानी राजस्थान सरकार में मंत्री तोर कमु करे चुको आहे.
निम्बाहेड़ा जे नामवर सिंधी समाज सेवी श्री चेट्रूमल कृपलानी ऐं पार्वती देवी जे घर जन्म वठी श्रीचंद कृपलानी चित्तौरगढ़ सरकारी कॉलेज मां B.A. जो इम्तिहान पास कियो आहे। बालपणे में माता पार्वती देवी जी धार्मिक ऐं इंसानियत जी सेवा जी सिखियाउन ऐं पिता साहिब जे समाज सेवा, बियन जी मदद करण ऐं सुठो अगुवान थियण बाबत डिनल समझायिणन जो असर श्रीचंद कृपलानी ट्रे भेरा राजस्थान विधान सभा ऐं 2 भेरा लोक सभा जे मेंबर जे रूप में कामियाबी हासिल करण जे रूप में ज़ाहिर नज़र अचे थो।
श्रीचंद कृपलानी - राजनैतिक जीवन
श्रीचंद कृपलानी जे सियासी जीवन जी शुरुआत 1977 में चित्तौरगढ़ सरकारी कॉलेज जे स्टूडेंट यूनियन जी चूंडिन सां थी जिते हिन प्रेसीडेंट जे रूप में खटियो। 1978 में खेस चित्तौरगढ़ ज़िले जी बी जे पी जी विद्यार्थी परिषद जे अध्यक्ष जो ओहदो बहाल कियो वियो। कॉलेज जी पढ़ाई पूरी करण खां पोय श्रीचंद वापस निम्बाहेड़ा अची पहिंजे ट्रांसपोर्ट जे धंधे ऐं सामाजिक कमन में रुधी वयो। श्री सेवा संस्थान जहिडिन संस्थाउन खे अस्पताल में बीमारन खे मोफत खाधो डियण, मोतिया बिंदु जहिडिन बीमारिन जे इलाज ऐं ऑपरेशन वास्ते कैंप लगायिण ऐं व्रद्धाश्रम बरपा करण में मदद करण हिन जा के मुख्य सामाजिक कम आहिन। श्रीचंद कृपलानी राष्ट्रीय सिंधी समाज जो संरक्षक पिण आहे। 4 मई 1984 ते संदस शादी अजमेर निवासी कमल सां थी ऐं जोड़े खे धीउ वनीता ऐं पुट्र विनीत जे रूप में 2 बार आहिन।
श्रीचंद कृपलानी जे सियासी जीवन में साल 1982 निम्बाहेड़ा नगरपालिका जो पार्षद चूंडिजण ऐं 1985 में श्री भेरो सिंह शेखावत [जेके अगते हली भारत जा उप राष्ट्रपती थिया] जी विधान सभा चूंडियूं संभालिण [प्रचार प्रमुख निम्बाहेड़ा विधान सभा] जी वडी अहमियत आहे छो जो इन्हन न सिर्फ मकानी सतह ते पर राज्य ऐं देश जी सतह ते भी बी जे पी में श्रीचंद कृपलानी जो रुतबो वधायो। 1999 में तेरहीं लोक सभा जी चूंडिन में श्रीचंद कृपलानी चित्तौरगढ़ मां जीत हासिल कयी।
मेवाड़ ऐराजीअ में श्रीचंद कृपलानी पहिंजिन पद यात्राउन वास्ते बि ओतिरो ई मशहूर आहे जेतिरो हिक नामवर सिंधी समाज सेवी ऐं कामियाब सियासतदान जे रूप में। 1998 में हिन ज़िले में सुठी बरसात पवे इन मुराद खां निम्बाहेड़ा जे श्री अम्बा माता मंदिर खां श्री सांवलिया धाम 39 किलोमीटर ऐं 1999 में कारगिल जी लड़ाई में भारत जी जीत जी प्रार्थना वास्ते निम्बाहेड़ा जे श्री राधा कृष्ण मंदिर खां कालिका माता मंदिर 37 किलोमीटर जी पद यात्रा कयी आहे। श्रीचंद कृपलानी ऑस्ट्रेलिया, कनाडा, फ्रांस न्यूज़ीलैंड ऐं कुछ बियन मुलकन में खेती करण जी तकनीकी जाण हासिल करण वास्ते इन्हन मुलकन जा दोरा पिण करे चुको आहे।
वेझडायी [जुलाई 2018] में बांद्रा ऐं जयपुर जे विच में हलण वारी ट्रेन अरावली एक्सप्रेस जो नालो बदिलाये अमरापुर अरावली एक्सप्रेस कियो वियो। इन बदिलाव वास्ते श्रीचंद कृपलानी भारत जे रेल खाते सां लागीतो लिख पढ़ करे पूरो धियान डिनो। धियान में रखण जी गालिह आहे त जयपुर उहो शहर आहे जिते सिंधी समाज जे धार्मिक पंथ प्रेम प्रकाश पंथ जो अमरापुर आसथान आहे जेको सतगुरु स्वामी सर्वानंद महाराजन मुल्क जे विरहांङें खां पोय बरपा कियो आहे।
श्रीचंद कृपलानी - मुख़तलिफ़ ओहदा
1989-92 ऐं 1998-99 मेंबर राजस्थान विधान सभा
1994-98 ज़िल्हा परिषद चित्तौडग़ढ़ जो चेयरमैन
1999 – 13 लोक सभा जूं चूंडू खटण
1999-2000 मेंबर ( Committee on Communications)
2000-2004 मेंबर ( Consultative Committee, Ministry of Petroleum and Natural Gas)
2002-2004 मेंबर (Committee on Rural Development)
2004 – लोक सभा चूंडिन में बियो भेरो कामियाबी
लोक सभा में बीजेपी राजस्थान जो व्हिप – मेंबर ( Committee on Rural Development ऐं Consultative Committee, Ministry of Tourism)
10 दिसंबर 2016 राजस्थान सरकार में अर्बन डेवलपमेंट ऐं हाउसिंग मिनिस्ट्री जो कैबिनेट मंत्री
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.