Sindhi Day - सिंधी डींहुं

अजोकी प्रभात खे जे मां खास चयी रहियो आहियां त गलत कोन आहे छो जो चाहिं जो पहिरियों ढुकु भरींदे निखिमिणेमल जे जुमले मुखे आथत डयी छडियो त घटि में घटि अजु त मुखे हिंदी जी न उगलते बने न निगलते बने वारी हालत खे मुहं न डियणो पवन्दो।

सिंधी डींहुं मलाहिजी वियो ! सियासी तोड़े सामाजिक अगुवानन सां गडोगडु आम सिंधी वापारी बि साल जे बाकी डीन्हन वास्ते पहिंजा पहिंजा कम करण वास्ते आज़ाद थिया।

एस पी सर इहे खास डीन्ह सामाजिक सुजागी वास्ते केतिरा बि अहमिययत वारा छो न हुजन पर छा इहे असां जी रोज़ानी ज़िंदगी जो रुख न था बदिलाये छड़िन ? इन्हन खास डीन्हन जे मालिहजण खां अगु व्हाट्सएप्प ऐं बियन सोशल मीडिया ते फॉरवर्ड करण जे जुनून जा बीमार सवलायी सां वड़े तादाद में मेसेज मिलण सबब खुश थियन था।

एस पी सर सचु इहो आहे त इहे उत्सव रुपी जलसा पूरा थियण खां पोय इन्हन फॉरवर्ड करण जे शौकीनन वास्ते नवां मेसेज गोलिहिण जो संकट पैदा थी पवे ? हाणे इहे वेचारा छा कनि हुनन खे त फॉरवर्ड करण खां सिवाय फुलको वणे ई कोन ?

साईं निखिमिणामल तव्हां ध्यान डिनो हिन भेरे सिंधी डीन्ह जे मोके ते नवजवानन में जेको जोश नज़र आयो तहिं इहो त साबित कियो त सिंधी भाषा ऐं सिंधी कौम जो भविष्य खतरे में कोन आहे। ज़रूरत आहे नवजवानन जे इन जोश खे सही राह डेखारिण जी।

इहा गालिह त ठीक आहे पर मुखे समझ में न थो अचे त सिंधी भाषा जो वापर घटिजंदो छो पियो वञे ? सिंधी नवजवानन ज़हीन ऐं ज्ञान जा जिज्ञासू हूंदे बि सिंधी भाषा सिखण खां मुहं छो मोड वेठा आहिन ? एस पी सर कहिड़ा सबब आहिन जो केतिरा सिंधी अगुवान चवन पिया त सिंधी प्रदेश ठहण खां सिवाय सिंधी भाषा जो वज़ूद बचण नामुमिकन आहे।

डिसो से जे असां ध्यान डियूं त समझ में अचे थो सिंधी कौम धंधे जो रुख रखण वारी कौम आहे ऐं धंधे में भाषा ते न पर मुनाफे ते नज़र थींदी आहे हाणे जे गैर सिंधी भाषा जे वापर सां मुनाफो मिले त सिंधी केर ऐं छो गालिहायिण पसंद कंदो ?

इन गालिह ते सुभाणे गालिहायूं था एस पी सर। पर मुहिंजी हिक बि गालिह ते बि विचार कजो। इहो सही आहे त 1947 जो मुल्क विरहांगो सिंधी कौम वास्ते इतिहास जे सभनी खां वधीक तक़लीफ़ुन वारो दौर साबित थियो आहे पर छा इहो बि सही न आहे त इन विरहांगे इलाकायी सिंधी भाषा जे आलमी सिंधी भाषा बणिजण जो रस्तो तैयार करे छडियो ?

निखिमिणोमल त हलियो वियो पर तव्हां असां जे वास्ते विचार करण लाय ब विषय छडे वियो।

[1] भारत में सिंधी भाषा जे वापर घटिजण जा सबब कहिड़ा आहिन ?
[2] छा वाकयी 1947 जे विरहांगे सिंधी भाषा खे आलमी भाषा बणजण में मदद कयी आहे ?