विरहायिलन खे वधीक न विरहायो

मुहिंजे व्हाट्सएप दोस्त दिल्ली जे श्री देवीलाल लालवानी जन हिक पोस्ट फॉरवर्ड कयी “मां मल्हाईंदूसि 9 मार्च ते ” हीउ पोस्ट सिंधी डींहुं मलिहायिण बाबत आहे। इहा का लिकियिल गालिह कोन्हे त 10 अप्रैल 1967 ते सिंधी भाषा खे भारतीय संविधान जे अठें शेडूल में शामिल कियो वियो हो ऐं इन सबब हर साल 10 अप्रैल ते सिंधी डींहुं मलिहायिण जो सिलसिलो शुरू थियो।
पोस्ट में लिखियिल गालिह जो मतलब आहे त जीयं त 9 मार्च 1950 ते स्व. श्री दौलतराम जयरामदास देवनागिरी वारी सिंधी भाषा खे मान्यता डि_यारी हुयी। [बिना को सबूत डियण जे लिखियिल गालिह ] सो 9 मार्च ते सिंधी डींहुं मलिहायो वञे।
पर असां जे साईँ निखिमिणेमल जो चवण सिर्फ ऐतिरो आहे त असां जी सिंधी कौम अग में ई
[1] संतन ऐं पंथन में विरहायिल आहे।
[2] इहो त आम थींदो रहंदो आहे त हिक ई शहर में हिक पंथ वारन जी गियारस अजु आहे त बियन जी सुभाणे पर हिन भेरे त चेट्री चंड 18 मार्च ते आहे या 19 मार्च ते इन गालिह ते बि बहस थी।
[3] सियासी तोर तोड़े सामाजिक रीती रिवाजन जे लिहाज खां बि सिंधी कौम में एकता जी अणाठ चिट्री तरह नज़र अची थी।
हिन किसम जी पोस्ट लिखण या फॉरवर्ड करण जो हिकु ई मतलब आहे विरहायिललन खे वधीक विराहिण। मुखे त सिंधी कोयल भगवन्ती नावाणी जो गीत पियो याद अचे
सिक में … ओ सिक में …..
सिकि खे कीन सिकाय सुहारा
डुखिअ खे कीन डुखायि भलारा
सुण सुवाल मुयिअ जो हीणो हाल मुयिअ जो।