सुचेता कृपलानी
Introductory
सुचेता कृपलानी जी ज़िंदगी भारतीय औरत जी ज़िंदगी जो हकीकी अकस सामहूं आणे थी। हिक भारतीय औरत खे शादी खां पोय न सिर्फ नओं घरु ऐं नओं सरनेम थो मिले थो पर हिक नयें पारिवारिक तोड़े सामाजिक माहोल में नयीं रिवायतुन रसमुन खे पंहिंजी हलत में शामिल कन्दे ज़िंदगी जी नयीं शुरुआत करणी पवे थी। 25 जून 1908 ते बंगाली मजूमदार परिवार में जनम वरतल सुचेता सां पिणु आचार्य कृपलानी सां शादी करण सबब सागी गालिह थी। खेसि न सिर्फ सिंधी रीती रिवाज़ समझणा पया पर मुडुस जे राजनीती में हुजण सबब राजनैतिक माहोल ते बि धिआनु डियणो पयो। सुचेता इन बदिलाव खे ऐतिरी कामियाबी सां कबूल कयो जो हुअ देश जे कन्हि बि राज्य जी मुख्यमंत्री थियण वारी जाइफां बणी ऐं अजु कन्हि खे बि यादि न आहे त सिंधी राजनेता तोर मशहूर सुचेता जो जनम सिंधी परिवार में न थियो हुओ।
बायोग्राफी - सुचेता कृपलानी
फेमस सिंधी औरत – पहिरियीं जाइफां मुख्यमंत्री
सुचेता कृपलानी फेमस सिंधी सियासी अगुवान आचार्य कृपलानी जी धर्म पत्नी हुयी। संदस जन्म हरियाणा जे अम्बाला में 25 जून 1908 में हिक बंगाली कुटुंब में थियो हो। सुचेता कृपलानी जो पिता श्री एस इन मजूमदार हिकु सरकारी डॉक्टर हो। मजूमदार देश भक्ति जी भावना वारो शख्स हो। बालपणे खां ई सुचेता जी हलत चलत ते पिता जी इन्हन भावनाउन जो असर नज़र अीन्दो हो।
सुचेता जी पढ़ायी पहिरियूं इंद्रप्रस्थ कॉलेज ऐं पोय सेंट स्टीफेंस कॉलेज दिल्ली में थी। पढ़ायी पूरी करण खां पोय हिन खे बनारस हिन्दु यूनिवर्सिटी में लेक्चरर जे ओहदे ते नौकरी मिली।
1936 में सुचेता फेमस सिंधी समाजवादी सियासतदान जीवतराम कृपलानी – जेको आचार्य कृपलानी जे नाले सां वधीक मशहूर हो – सां शादी कयी। शादी खां पोय घरेलु जीवन सां गडु संदस सियासी जीवन जी बि शुरुआत थी।
पिता जी देश भक्ति जी भावना जे असर हेठि ऐं सिंधी राजनेता मुडुस जे हिमथ वधायिण जे नतीज़े तोर सुचेता इंडियन नेशनल कांग्रेस में बहरो वठण लगी। जलदु ई कांग्रेस पार्टी जे मशहूर अगुवानन जी जमात में सुचेता जो बि शुमार थियण लगो। महात्मा गांधी जा सिद्धांत ऐं सुचेता जे विचारन में हिक जहिडायप ऐं सुचेता जे महत्मा गांधी जे कमु करण जे तरीके जो मुरीद हुअण हिन लाय सियासी सफर में तरकी वासिते मुफ़ीद साबित थिया। क्विट इंडिया हलचल में जहिं जोश ऐं जजिबे सां सुचेता बहरो वरतो तहिं हिन जो सियासी कदु वधायिण में मदद कयी। 1946 में नोआखली में थियिल दंगन वक़त हुअ न सिर्फ महात्मा गांधी सां गडु हुयी पर खेस बापुअ जी रहबरी हेठि कमु करण जो मोको पिणु मिलियो।
15 अगस्त 1947 ते आज़ादी जे डीहं ते घुरायिल संसद जे खास इजलास में सुचेता खे “वन्दे मातरम ” गायिण जो मोको मिलियो नतीज़े तौर देश जा जेके बि राजनेता उन डीहं ते इन खास इजलास में मौजूद हुआ से सालन जा साल सुचेता जी मन मोहिन्दड सुरीली आवाज़ याद कन्दा रहिया। सुचेता भारत जी विरली चूंड औरतुन जी जमात में शामिल आहे छो जो हिन खे भारत जो संविधान ठाहीन्दड सब कमेटी में बतौर मेंबर कमु करण जो वझु मिलियो हो।
सुचेता कृपलानी ऐं उतर प्रदेश
आज़ादी खां पोय सुचेता भारत जे सभ खां वडे राज्य उतर प्रदेश जी सियासत ते वधीक धिआनु डियण लगी। 1952 ऐं 1957 में थियिल चूंडिन में सुचेता लोक सभा जो मेंबर थियण वासिते चूंडियूं खटियूं । लोक सभा जे मेंबर थियण खां सिवाय हिन स्माल स्केल इंडस्ट्रीज जे राज्य मंत्री जे ओहदे ते पिण कमु कयो।
1962 में कानपुर जे वोटरन सुचेता खे विधान सभा में पहिंजे नुमाईंदे तौर चूंडियो। महात्मा गांधी जे जन्म डीहं मतलब 02 अक्टूबर 1963 ते भारत जे कहिं राज्य जी पहिरियीं औरत मुख्य मंत्री थियण जे मान सां गडु उतर प्रदेश राज्य सरकार जो कमु सम्भालिण शुरू कियो।
कुदरत हमेशा हिमथी ऐं पके इरादे वारे इंसान जो इम्तिहान वठन्दी आहे सुचेता जे सामहूं बि अहिड़ा मुशकिलात भरियल हालात आया जो पहिरियों भेरो कहिं राज्य सरकार जे मुलाजिमन हड़ताल कयी। उत्तर प्रदेश राज्य जे मुलाजिमन जी हड़ताल 62 डीहं हली पर सुचेता पगार न वधायिण जे फेसिले ते अटल रही आखिर मज़बूर थी मुलाजिम समझौतो करण वास्ते राज़ी थिया ऐं हड़ताल खतमु थी।
सुचेता कृपलानी जी कामियाबी जी दास्तां संदस सियासी सफर हिक आम भारतीय नारी जी कहिं बि कामियाबी खां निराली आहे छो जो हिन उन दौर में कॉलेज जी पढ़ायी पूरी करे नौकरी कयी जहिं समे में छोकिरिन खे स्कूली तैलीम हासिल करण जी बि मंज़ूरी सवलायी सां न मिलन्दी हुयी। उन समे हिक आम भारतीय नारी मतलब शादी खां पोय घर मां बाहिर निकरण बंद हो चाहे उहो रोजाने जीवन जी घुरिबल शयुन जी खरीददारी वासिते छो न हुजे। अहिडिन अण मुफ़ीद हालतुन में सुचेता जे सियासत में अचण जहिड़े फेसिले वासिते शख्स खे वडी अंदुरुनी हिमथ जी निहायत सख्त ज़रूरत पवे थी। इहो को सवलो कोन आहे जो माणुहुन सां रोज़ मिलण किलाकन जा किलाक उन्हन जूं तक़लीफ़ूं बुधण ऐं इन्हन जो हल कढण। उहो बि उन दौर में जो भारत नारी आज़ादी ऐं नारी समानता जी हवाउन जे छुआव खां बि परे हो।
1971 में सुचेता सियासत खे हमेशा हमेशा वास्ते छड़िण जो फेसिलो कियो। थोरे वक़त खां पोय 1 दिसंबर 1974 ते हिन जो स्वर्गवास थियो।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.