सुंदर अगनानी
Introductory
सचल, सामी ऐं शाह जी लासानी त्रिमूर्ती वांगुर, हाणोके सिंधी साहित्य जी जयपुर त्रिमूर्ती मतलब जयपुर राजस्थान जे ट्रिन सितारन सुंदर अगनानी, लछ्मण भम्भाणी ऐं वासदेव सिंधु भारती जी जयपुर त्रिमूर्ती सिंधी अदबी उफ़क़ खे बेमिसाल रोशनी सां भरे छडियो। इन्हन मां हरि हिक खे चाहे पंहिंजी पंहिंजी जुदा जुदा सिन्फ़ में महारत हासिल हुजे पर इन्हन जी गडियिल मौजूदगी राजस्थान में सिंधी साहित्य सिरजन खे नवां मुक़ाम हासिल करे डिना आहिन। सुंदर अगनानी खे सिंधी नाटकन में अदाकारी जो जुनून आहे, सिंधी कहाणी लिखण में महारत हासिल आहे त लछ्मण भम्भाणी जो सिंधी ड्रामा लिखण में को सानी कोन आहे। वासुदेव सिंधु भारती खे बाल साहित्य सिरजन में महारत हासिल आहे। सुंदर अगनानी सिंधी साहित्यकार सां गडु हिक बेहतरीन मुन्तज़िम (administrator) तोर पिणु मशहूर आहे।
बायोग्राफी - सुंदर अगनानी
फेमस सिंधी अदीब – सिंधी कहाणी – सिंधी नाटक – जयपुर त्रिमूर्ती
भारत जे सिंधी अदब जी दुनिया में हिक नालो जेको वडे अदब ऐं इज्जत सां खयों वेंदो आहे तहिं सुंदर अगनानी जो जन्म 01 ओक्टोबर 1936 ते सिंध जे नवाबशाह जिले में थियिल आहे। जे डिसजे त सुंदर अगनानी सिर्फ हिकु सिंधी लेखक न पर घणि प्रतिभा वारी अदबी शख्सियत जो धणी आहे जहिं विरहांङें खां पोय वारे अरसे में सिंधी बोली ऐं सिंधियत खे महफूज़ रखण वास्ते ज़फ़ाकशी में का कसर बाकी न छड़ी आहे।
गारमेंट एक्सपर्ट जो धंधो कन्दड़ जयपुर निवासी सुंदर अगनानी हिकु शानदार अदीब हुअण सां गडोगडु हिक बेहतरीन बंदोबस्त कन्दड़ बि आहे। सिंधी नाटक लेखक ऐं आर्गेनाइजर जे रूप में त हिन को सानी कोन आहे। कार्टून तैयार करण, नाटकन में एक्टिंग करण भले सुंदर अगनानी जूं खूबियूं हुजन पर हुन जहिडा कहाणी लेखक के विरला आहिन। सिंधी बोली ऐं साहित खे महफूज़ रखण ऐं वाधारे वास्ते सुंदर अगनानी
राजस्थान सिंधी अकादमी (वाईस चेयरमैन 1988 -1990 )
सेंट्रल साहित अकादमी (सिंधी एडवाइजर 1988 -1992 ऐं 1998 -2002 )
अखिल भारत सिंधी बोली ऐं साहित सभा (अध्यक्ष 1997- 2023 )
ऐं बियन किन संस्थाउन सां जुडियिल आहे।
सिंधी संस्कृति सां सुंदर अगनानी जे नाते जो अंदाज़ लगायिण वास्ते इहो जाणिण काफी आहे त सिंधी लेखकन, नाटककारन, अख़बार नवीसन ऐं सिंधी अदब जी मोतिबर शख़्सियतुन जी संस्था अखिल भारत सिंधी बोली ऐं साहित सभा सुंदर जी सदारत में फेसिलो कियो त अगते संस्था जे कार्यक्रमन में सांस्कृतिक हलचलुन खे अदबी हलचलुन जेतिरी अहमियत डिनी वेन्दी। सुंदर अगनानी जो पको विचार आहे त इहे सांस्कृतिक हलचलूं आहिन जेके अदीबन ऐं आमु सिंधी नागरिक जे विच में पुल जो कमु करे बिन्ही खे हिक बिये जे वेझो अचण में मदद कन थियूं।
किन विरलन खे ई पहिंजी हिन दुनिया मां मोकिलाणी जी सुणस पवंदी आहे। मशहूर नाटककार सुंदर अगिनानी बि शायद उनहन विरलन में शुमारियल हुआ जो नियती जे लिखियल नाटक जे अचण वारे सीन जो अहसास कंदे कुझु वकतु अगु ई पुट्र जे घरां दिल्ली मां वापस जयपुर मोटी आया जिते 11 अप्रैल 2023 ते संदन सुरिगवास थियो ऐं 12 अप्रैल ते अगनी संसकार जी रसम निभायी वयी।
सुंदर अगनानी - अदबी योगदान
सिंधी किताब – सिंधी कहाणी संग्रह
1972 – नंगा पथर
1987 – पाछा
1996 – पाणीअ जा रिश्ता
1998 – बियो पासो
सिंधी नाटक
इश्तिहारी शादी
नवं गिरह
मोफत जो माल
अग्नी संस्कार
Books Window
सुंदर अगनानी - अवार्ड
सुंदर अगनानी खे जिन अवार्ड सां नवाज़ियो वियो आहे तिन मां के अहमियत वारा अवार्ड आहिन: –
राजस्थान सिंधी अकादमी पारां प्रो. एम यू मलकानी अवार्ड
अखिल भारत सिंधी बोली ऐं साहित सभा पारां लाइफ टाइम अचीवमेंट अवार्ड
1997 पाणी जा रिश्ता वासिते भारत सरकार जे तैलीमी खाते पारां अवार्ड
1964 कलकता जे आल इंडिया सिंधी ड्रामा फेस्टीवल में संदस सिंधी नाटक इश्तिहारी शादी जो पंहिरियिन बिन बेहतरीन नाटकन में शामिल हुजण
2018 राजस्थान साहित्य अकादमी पारां सामी अवार्ड
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.