सुरेश केसवानी
TSW Citation
फेमस सिंधी सियासतदान – सिंधी कारख़ानेदार
सुरेश केसवानी हिक अहिडी कामियाबी हासिल कयी जा सिंधियिन में विरले ई नज़र अीन्दी आहे। हिन जी इहा मखसूसी कामियाबी आहे जो हिन जो शुमार उन्हन तमाम विरलन सिंधियिन में थिये थो जेके राज्य सभा जा मेंबर बणिया आहिन। बिलाशक ग्लोबल सिंधी समाज खे केसवानी जी कामियाबी ते फ़खुर आहे पर किन चूंड खे हिन घणि खेतिरी सिंधी अगुवान सुरेश केसवानी जी सलाहियतुन ऐं क़ाबिलियत जी हकीकी वाकफियत हासिल आहे। सिंधी साहित्य ऐं सिंधियत जो शैदाई, सिंधी राजनेता, कारख़ानेदार सुरेश केसवानी न सिरफ सिंधी सभ्यता जे वाधारे जो ख्वाइशमंद आहे पर खेसि स्पोर्ट्स तोड़े सामाजिक कमन में बि काफी चाहु आहे।
बायोग्राफी - सुरेश केसवानी
सुरेश केसवानी जो जन्म लाडकाणो सिंध में रुकमणी देवी ऐं अटलराय केसवानी जे पुट्र जे रूप में 18अक्टूबर 1942ते थियो आहे। हिन जी कामियाबी जी दास्तां केतिरन बियन कामियाब सिंधी कारख़ानेदार, सियासतदानन ऐं अगुवानन सां इन लिहाज खां मिलन्दड जुड़न्दड़ आहे त इन्हन सभनी पहिंजे बालपणे में मुल्क जे विरहांङें जे समे भारत अचण जे दौरान दुख दर्द ऐं तक़लीफ़ुन खे महसूस कियो आहे। इहे सभु गवाह आहिन त भारत में थायींको थियण ऐं पहिंजे आलीशान माली [Economic] रुतिबे खे वरी हासिल करण में संदन मायट्रन खे अण मुफ़ीद हालतुन में – पहिंजे आदती सामाजिक माहोल खां अलग माहोल में रहन्दे – केतिरा न कष्ट करणा पिया।
शुरुआत खां ई सुरेश केसवानी आम सिंधी नवजवानन खां निरालो हो छो जो सिंधियिन जी आम रिवायत जे बरख़िलाफ़ हिन पढ़ायी खे वधीक अहमियत डिनी। मुंबई जे एलीफैंनटाइन कॉलेज मां मुंबई यूनिवर्सिटी जो बी ए जो इम्तिहान पास करण खां पोय हिन पूना यूनिवर्सिटी मां एल एल बी ऐं एम ए जूं डिग्रीयूं हासिल कयूं।
24 दिसंबर 1970 ते सुरेश जी शादी शकुंतला सां थी। हिन पहिंजी ज़िन्दगी जी शुरुआत हिक पेशेवर मैनेजर ऐं मैनेजमेंट जे सलाहकार तौर कयी पर थोरे ई वक़त में सिंधी कौम जे हुकूमत वारे खेतर मतलब धंधे में, अंकलेश्वर गुजरात जी केसवानी सिंथेटिक्स इंडस्ट्री जे प्रमोटर ऐं चेयरमैन तौर दाखिल थियो।
सुरेश केसवानी जे ज़िंदगी जे आज़मूदन में संदस मुख़तलिफ़ धंधो कन्दड कम्पनिन, सिंधी सामाजिक ऐं सिंधी तहज़ीबी संस्थाउन सां मिली कमु करण सबब बेशुमार वाधारो थियो आहे। हिन जो जीवन अजोकी नवजवान सिंधी पीढ़ी वासिते होसिले ऐं हिमथ अजफाई जो वसीलो आहे।
सुरेश केसवानी सिडको [City & Industrial Development corporation of Maharashtra] [1980-1981] ऐं मेल्ट्रॉन [Maharashtra Electronics Corporation Ltd] [1992-1995] जे चेयरमैन तौर त 1994 खां 1996 तायीं एयर इंडिया ऐं इंडियन एयरलाइन्स जे बोर्ड डायरेक्टर तौर कमु करे चुको आहे।
सिंधी राजनेता - सुरेश केसवानी
सियासत में सुरेश केसवानी कांग्रेस [आय] सां जुडियिल आहे। इन्ही पार्टी जे टिकट ते 1966 में महाराष्ट्र मां राज्य सभा वासिते चूंडियो वयो हो। राज्य सभा में विदवान ऐं केतिरन खेतरन जे अभ्यासु सुरेश केसवानी खे [1996-1998 कंसल्टेटिव कमेटी फॉर मिनिस्ट्री ऑफ़ डिफेंस ऐं स्टैंडिंग कमेटी ऑन डिफेंस ते कमु करण जो मोको मिलियो पर इन खां अगु बि हिन खे कुछ बियन कमेटिन ते कमु करण जो आज़मूदो हो।
1982-1984 महाराष्ट्र राज्य सरकार जी एडवाइजरी कमेटी फॉर इंडस्ट्रीज
1984-1987 बॉम्बे टेलेफोन्स जी टेलीफोन एडवाइजरी कमेटी
1988-1995 महाराष्ट्र राज्य सरकार जी सेल्स टैक्स एडवाइजरी कमेटी
सुरेश केसवानी - बियूं मशग़ूलियूं
सुरेश केसवानी खे गोल्फ ऐं बियन रान्दियिन जो बि शौंक आहे। सुरेश टविन सिटी गोल्फ क्लब लिमिटेड जो डायरेक्टर, बॉम्बे प्रेसीडेंसी रेडियो क्लब जो प्रेसीडेंट ऐं बियन केतिरिन सामाजिक संस्थाउन, स्पोर्ट्स क्लब्स – जहिं में क्रिकेट क्लब ऑफ़ इंडिया ऐं रोटरी क्लब शामिल आहिन – जो मेंबर आहे। सिंधी साहित्य अकादमी नई दिल्ली सां बतौर वाईस प्रेसीडेंट जुडियिल रही चुको सुरेश केसवानी हिन वक़त कोलबा मुंबई में रहन्दो आहे।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.