वासुदेव देवनानी
TSW Citation
फेमस सिंधी तेलीमदान – सिंधी राजनेता – प्रो. वासुदेव देवनानी
सिंधिन जे धंधे जे खेतर में अगुवान अयं लासानी कामियाब हुजण बाबत त का शंका को संसो न आहे। 1947 में खाली हथें भारत लडे अचण वारी सिंधी कोम जो भारत में धंधे जो सरताज बणिजण इन कामियाबी जो जियरो जागंदो सबूत आहे। आम तोर ते सियासत अयं तेलीमी खेतर में सिंधी समाज खे पुठिते पयल या चाहु न रखण वारी कोम लेखियो वेंदो आहे पर प्रो. वासुदेव देवनानी अयं बियन चूंड सिंधी राजनेताउन सियासत में उचा मुकाम हासिल करे साबित कियो आहे त राजनीती सिंधी कामियाबी जो बियाबान न आहे। 12 दिसंबर 2023 ते जयपुर में राजस्थान विधान सभा वासिते चूंडियल बीजेपी MLA जी मीटिंग में अजमेर (उतर) मां चूंडियल वासुदेव देवनानी खे राजस्थान विधान सभा जे अधियक्ष (speaker) जे ओहदे लाय चूंडिण जो फेसिलो सियासती खेतर में सिंधी कामियाबी लाय मील जे पथर जहिडो आहे। धियान में रखण जोगे आहे त सदा साणु ईशवरदास रोहणी (M.P.) खां पोय वासुदेव देवनानी सिरफ बियों सिंधी राजनेता आहे जहिं इहो अहमियत वारे ओहदे जे मुकाम तायीं पहुचण में कामियाबी हासिल कयी आहे।
वासुदेव देवनानी - शुरुआती जीवन [Biography]
सदा साणु भगवानदास देवनानी जे पुट रूप में 11 जनवरी 1948 ते अजमेर राजस्थान में जावल वासुदेव देवनानी खे बालपणे में भारत लडे अचण लाय मजबूर थियल सिंधी कोम जे अणचाहे डुखिये आरथिक अयं सामाजिक हालतुन वारे माहोल खे मुहं डियणो पियो हुओ। इनहन हालतुन में बि वासुदेव बियन समाजन जी बिन सोचुन खे गलत साबित कंदे कामियाबी जी बुलंदीअ वारो मुकाम हासिल करण में कामियाबी हासिल कयी। बियन भारतीय समाजन खे जिन बिन खेतरन बाबत सिंधी समाज लाय गलतफहमी आहे उहे खेतर आहिन तेलीम अयं सियासत।
वासुदेव देवनानी B.E. जी डिगरी हासिल करण खां पोय सिंधी कोम जे रिवायती धंधे जे खेतर सां जीवन जी शुरुआति करण जी जगह ते तेलिमी खेतर में नोकरी करण सां कयी। हिक पिरोफेसर तोर हयातीअ जी शुरुआति करे वासुदेव उदयपुर जे विद्याभान पोलीटेकनिक कॉलेज जे डीन जे ओहदे ते पहुचण में कामियाबी हासिल कयी अयं लागीतो बारिहां साल इन ओहदे ते रहियो। मतलब वासुदेव देवनानी पहिंजी लगन अयं मेहनत जे जोर ते साबित कियो त सिंधी कामियाबी धंधे जे खेतर तायीं महदूद न आहे।
वासुदेव देवनानी - सियासी सफरनामो [Biography]
पहिंजे विदियारथी जीवन खां ई वासुदेव RSS जी विचारधारा सां मुतासिर हुओ सो हुन ABVP (अखिल भारतीय विद्यार्थी परिषद) सां जुडिजण जो फेसिलो कियो। थोरे ई अरसे में पहिंजे सखत पोरिहे, संसथा जे विचारन जे फेलाव लाय किअल कमन सबब खेसि ABVP जे राजस्थान राजिय जो अधियक्ष मुकरर कियो वियो। हिक राजनेता तोर चूंडिन में शामिल थियण खां वासुदेव नवं साल राजिय अधियक्ष जे रूप में कमु करे चुको हुओ अयं बीजेपी जे राजस्थान जे अगुवानन में अगिरायीअ वारे शामिल थी चुको हुओ।
2003 में थियल चूंडिन में बीजेपी वासुदेव देवनानी खे संदस लगन, मेहनत अयं ABVP जे किअल कम जे आजमूदे खे आधार ते अजमेर (उतर) मां टिकट डिनी। हेल तायीं हर मोके खे कामियाबी में बदिलाइण वारे वासुदेव न सिरफ चूंडियूं खटियूं पर हू वसुंधरा राजे जी सरकार में Technical Education जो राज्य मंत्री बि बणियो। 2008 चूंडिन में खेसि बियो भेरो अजमेर मां चूंडू खटण में जसु मिलियो पर राजस्थान में बीजेपी सरकार न ठही सघी।
2013 में खटण जी हेटिरिक पूरी करण वारे अयं थियल कुल वोटन मां 51 % वोट हासिल करण वारे वासुदेव देवनानी खे हिकु भेरो वरी राजस्थान सरकार जो हिसो बणिजण जो वझु मिलियो। हिन भेरे खेसि पिराइमरी अयं सेकंडरी तेलीम खाते जे राज्य मंत्री (Independent Charge) जो ओहदो मिलियो।
राजस्थान विधान सभा जे अधियक्ष जे ओहदे जहिडे आला मुकाम ते पहुचण वारे वासुदेव देवनानी 2023 में लागीतो पंजो भेरो अजमेर मां चूंडू खटियूं।
सरनामो - Profile
राजस्थान सरकार जी विधान सभा जी वेबसाइट ते वासुदेव देवनानी जो जीवन परिचय हठ डिनिल रूप में डिनिल आहे:
नालो: वासुदेव देवनानी
पीउ जो नालो: स्वर्गवासी भावनदास
जन्म तारीख: 11 -01 -1948
जन्म जो हंद: अजमेर
शादी: 27 -06 -1984
घरवारीअ जो नालो: इंदिरा देवनानी
बार: १ पुटु २ धीउर
पढ़ायी: B.E. [Electrical]
धंधो: प्रोफेसर
दायमी एड्रेस: संत कंवरराम कॉलोनी FI सागर रोड अजमेर
टेलीफोन नंबर: ०१४५-२६०१६०१
हाणोकी अड्रेस: ८/९ विनायक नगर [ईस्ट] जयपुर
मोबाइल: ९४१४१५५७४४
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.