विशाल दादलानी
TSW Citation
मॉडर्न सिंधी युथ हर मिलियल मोके ते साबित पयो करे त सिंधी युथ रिवायती सिंधी गुणन सहनशीलता ऐं पंहिंजो करण सां गडु सिंधी नवजवान न सिर्फ घणि हुनरी आहिन पर केतिरिन ई फ़न में महारत पिणु रखन था। बॉलीवुड सिंधी वाशिंदे, नामवर सिंधी गीतकार ऐं वोकलिस्ट विशाल दादलानी हिकु भेरो वरी इन गालिह खे साबित कन्दे हिंदी फिल्म में पंहिजे हुनर जी कामियाबी जी दास्तां लिखी आहे। बॉलीवुड जो इहो सिंधी वाशिंदो विशाल दादलानी जडहिं सियासत जे खेतर में सरगम थियो त आम आदमी पार्टी जे अहमियत वारन अगुवानन में शुमारियिल राजनेता तोर पंहिंजी सुञाणप पुख़्ता करण में विशाल खे देर न लगी। टीम TSW सिंधी युथ जी घणि हुनरी कामियाबी जी क़दुरशिनासी कन्दे विशाल दादलानी बाबत जानकारी तव्हां सां शेयर करे थी।
About Vishal Dadlani
विशाल दादलानी – बायोग्राफी ऐं कॅरियर
सिंधी गीतकार: मुंबई सिंधी: आम आदमी पार्टी: आर डी बर्मन अवार्ड
हीअ कामियाबी जी कहाणी लागापो रखी थी मुंबई में जावल हिक सिंधी नवजवान सां जेको पहिंजी मेहनत ऐं लगन सां नामवर इंडियन वोकलिस्ट, कंपोजर, संगीतकार, गीतकार ऐं म्यूजिक रिकॉर्ड प्रोडयूसर जी लिस्ट में शामिल थियो आहे। विशाल दादलानी जो जन्म 28 जून 1973 ते मुंबई में रहन्दड हिक आम सिंधी कुटुंब में थियो। Hill Grange High School मां स्कूली पढ़ायी करण वारे विशाल दादलानी H.R. College of Economics and Commerce मां कॉमर्स में ग्रेजुएशन डिग्री हासिल कन्दे पहिंजी पढ़ायी पूरी कयी। इन दौरान 1989–1990 में हू जय हिन्द कॉलेज मुंबई जो विद्यार्थी रहियो हुओ।
विशाल दादलानी जे जीवन ते संदस माता रेशमा दादलानी जो चिट्रो असर नज़र अचे थो। विशाल जी संगीत जी दुनिया जी मुसाफिरी 1994 में मुंबई जी इलेक्ट्रॉनिका / इंडी – रॉक बैंड पेंटाग्राम सां थी। जल्दु ही हुन शेखर रावजिआनी सां मिली विशाल – शेखर जी जोड़ी जे रूप में कमु करण शुरू कियो। विशाल शेखर जी जोड़ीअ केतिरिन ई हिंदी, तेलुगु, तमिल ऐं मराठी फिल्मस में कमु कयो आहे। झंकार बीट्स, दस, ब्लफमास्टर, आय सी यू, ओम शांती ओम, बचना ऐ हसीनो, दोस्ताना, अंजाना अंजानी, रा वन,स्टूडेंट ऑफ़ ईयर, चेन्नई एक्सप्रेस, बेंग बेंग, हैप्पी नई ईयर, सुल्तान ऐं बेफिकिरे जहिड़ियूं कामियाब फिलमुन न सिर्फ जोड़ी खे फिल्म फेयर अवार्ड में आर डी बर्मन अवार्ड हासिल करे डिनो पर इहो बि साबित कयो त संदन बेमिसाल क़ाबिलियत ऐं संगीत जे लासानी हुनर जो को मुकाबिल न आहे।
विशाल दादलानी भारतीय टेलीविजन ते संगीत ऐं गायिकी जे होनहार कलाकारन जी खोजना सां जुडियिल प्रोग्राम सा रे गा मा पा, द स्टेज ऐं इंडियन आइडल जूनियर सां बि जज तोर जुडियिल रहियो आहे। “Only Much Louder” जहिडो प्रोग्राम विशाल ऐं विजय नायर जी गडियिल कोशिशिन जो नतीज़ो आहे। संगीत जी दुनिया में कामियाबी जा 20 साल पूरा करण खां पोय 2015 में विशाल VLT [विशाल लाइक्स डेट] शुरू कियो। इहो देश जे गुमनाम संगीतकारन, साजिंदन ऐं गायकन खे पहिंजो हुनर डेखारिण वास्ते हिकु मुनासिब प्लेटफार्म डिये थो।
विशाल दादलानी संगीत सां गडोगडु आम आदमी पार्टी सां जुड़ी विरलन सिंधी सियासतदानन में बि शामिल थियो। 1999 में विशाल प्रियाली सां शादी कयी पर 2017 में उन्हन जो तलाक थी वियो। जैन मुनी तरुण सागर बाबत कियिल पहिंजन ट्वीट्स, जिन जे वास्ते विशाल खे माफ़ी घुरणी पयी हुयी, सबब इन सागे साल में विशाल सियासी पार्टी आप खां जुदा थियण जो पहिंजो फेसिलो ज़ाहिर कियो। हालांकि 2020 जी दिल्ली जी चूंडिन में विशाल आम आदमी पार्टी जो प्रचार कन्दे नज़र आयो।
जे संगीत जी दुनिया जो विचार कजे त विशाल शेखर जी जोड़ी न सिर्फ 60 फिल्मस ऐं 300 खां बि वधीक गीतन सां जुडियिल आहे पर उन्हन सजी दुनिया जे अलग अलग हिसन में हिक हज़ार खां बि वधीक स्टेज शो किया आहिन।
विशाल दादलानी जूं बतोर वोकलिस्ट (गायक) फिल्मस जी लिस्ट
फिल्मस जी लिस्ट -विशाल दादलानी -बतोर गीतकार
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.