इहो ज़रूरी आहे छा ?

इयें ई अजु मन में खियाल आयो त इहो ज़रूरी आहे छा त व्हाट्सएप्प वापिरायीन्दड़ सिंधीयिन जे दिलो दिमाग ते हुकूमत कायम रखण वास्ते रोज़ कुछ न कुछ पोस्ट कंदो रहिजे ?असांजो पहिंजो निखिमिणोमल त इन गालिह ते राज़ी न आहे त

[1] व्हाट्सएप्प या फेसबुक फुरसत वारन जो पहिरियीं पसंद जो मुकाम आहे।

[2] व्हाट्सएप्प ते मशहूर थियण वास्ते ज़रूरी आहे त तव्हां रोज़ अलग अलग वक़त ते पोस्ट कन्दा रहो। मशहूरी ऐं पोस्ट्स जो तादाद पूर विछोट लीकूं आहिन हिक खे वधायो त बी अज़ख़ुद वधी वेन्दी।

सवाल त केतिरा आहिन पर इहो ज़रूरी आहे छा त

[1] कहिं दोस्त जे पर्सनल इनबॉक्स में रोज़ 10 -15 मेसेज [पहिजां लिखियिल न पर अलग अलग ग्रुप्स में पोस्ट थियल ] फॉरवर्ड कजन ?

[2] इहो अहसास हूंदे बि त जहिं भाषा में लिखियिल मेसेज फॉरवर्ड कयूं था सा भाषा उन दोस्त खे अचण जो- असां जे फॉरवर्ड कियिल वीडियो या फोटो खे दोस्त जे डाउनलोड करण जो – इमिकान तमाम घटि आहे – असां सिर्फ पहिंजी पसंदगी जे आधार ते फॉरवर्ड कयूं ?

[3] छा इहो असां जो फ़रज़ू न आहे त दोस्तन जी भाषा पसंद नापसंद जो ध्यान रखूं ?

सभ खां वड़ो सवाल त इहो आहे त हीउ जेको मां लिखियो आहे – इहो ज़रूरी आहे छा ?