पीउ धीउ ऐं नारी शक्तीकरण

दोस्तों अजोकी सुबह खे का खास सुबह त चयी न थो सघिजे छो जो अजु बि निखिमिणोमल हाज़िर आहे ऐं पहिंजी फॉरवर्ड करण जी लत जी ख़ुराक जी गोलिहा में मुहिंजो मथो खायी रहियो आहे।

उम्मीद त तव्हां मुहिंजी गालिह त नारी शक्तीकरण वास्ते इहो तमाम ज़रूरी आहे त इहा कोशिश करण वारे जो  हिक धीउ जो पीउ हुअण ज़रूरी आहे ते ज़रूर विचार कियो हूंदो ऐं हमेशा वांगुर पहिंजा विचार बुधायिण खां अगु इन इन्तिज़ार में हूंदा त एस पी सर इन बाबत छा था चवन ?

खैर तव्हां जी मुराद में मां को रुखनो साबित थियण जी कोशिश न थो कियां बस ऐतिरो चवण चाहियां थो इहे विचार साईं निखिमिणेमल जी ज़ुबानी पेश आहिन।

त तव्हां जे मुजीब इहा जेका नारी समानता जी हलचल हली रही आहे सा बेमानी आहे छो जो एस पी सर तव्हां जो चवण आहे त भारतीय समाज में नारी खे समानता जो न पर मर्द खां बि आला दरजे जो मुकाम सनातन जुग खां मिलियो आहे।

एस पी तव्हां इहो बि चवो था त इन गालिह जो वड़ो सबूत इहो आहे त भारतीय समाज में औरत जे नाले पुठियाँ देवी जो लक़ब जोडियो वेन्दो पर मरद जे नाले पुठियाँ देव जो न।

कुदरत बि औरत खे आला मुकाम ते रखियो आहे छो जो एस पी सर तव्हां जो चवण आहे त आदमज़ात खे जन्म डियण जी सलाहियत सिर्फ औरतुन खे हासिल आहे। एस पी सर तव्हां जी इन गालिह सां त मां बि सहमत आहियां त बराबर पुट्र सां वन्सु अगते वधे थो पर बिना औरत जी मदद जे इहो मुमकिन न आहे।  इहा औरत जेका सूर सही तव्हां जो वन्सु वधाये थी सा कहिं न कहिं जी धीउ आहे।

तव्हां जो इहो चवण बि बिलकुल सही आहे एस पी सर त नूंह जी तकलीफुन जे सुठे अहसास वास्ते इहो ज़रूरी आहे त तव्हां हिक धीउ जा पीउ हूजो जहिं खे तव्हां उमिर जे हिक खास हिसे तायीं लाड़ कोड़ मां पालियो हुजे जहिं जी हिक मुस्कराहट में तव्हां खे दुनिया जी हर ख़ुशी जो अहसास थियो हुजे ऐं जेका अजु कहिं बिये घर जी नूहं हुजे।

त दोस्तों विचार कियो जे असां पहिंजे घर में धीउ जे जन्म ते रोक आणिण जो विचार कयूं था त न सिर्फ पहिंजो वन्सु वधायिण जी राह में रूकावट आणियूँ था पर अणजाणायप में पहिंजो पाण खे बेशुमार खुशियिन खां बि महरूम कयूं था।