जेठी सिपहमलानी
TSW Citation
फेमस सिंधी नारी – फ्रीडम फाइटर – सिंधी सियासतदान – सिंधी समाज सेवी
10 फरवरी 1906 ते हैदराबाद सिंध में जावल कुमारी जेठी तुलसी दास सिपहमलानी सिंधी नारी जे होसिले जो मिसाल आहे। सामाजिक कमु वास्ते संदस जज़्बो ऐं त्याग जी भावना बेमिसाल आहे त दुखी ऐं तकलीफ भरियो जीवन गुजारीन्दडन जे चेहरे ते हिक हलकी मुस्कराहट आणिण वास्ते बिना थके कमु करण जी जेठी जी सलाहियत जहिड़ो बियो मिसाल मिलण बि डुखियो आहे। पहिंजे जीवन जे शुरुआती डीन्हन में भारत जी आज़ादी जी हलचल में बहिरो वठण वारी सिंधी राजनेता ऐं समाज सेवी जेठी सिपहमलानी सिंध लेगिस्ट्रटिव असेम्ब्ली ऐं बॉम्बे असेम्ब्ली जे डिप्टी चेयरमैन तोर पिणु कमु कयो हुओ।
बायोग्राफी - जेठी सिपहमलानी
कुंदनमल गर्ल्स हाय स्कूल हैदराबाद ऐं इंडियन गर्ल्स स्कूल कराची मां पढ़ायी पूरी करण खां पोय जेठी खे दया आश्रम में प्रिंसीपल जे ओहदे ते नौकरी मिली। हिक आम रवाजी औरत वासिते त इन खां सुठी बी गालिह कोन थींदी आहे त ज़िन्दगी सुठे थायींको नमूने गुजर पर जीयं त जेठी जे दिल में सिंधी कौम वासिते, सिंधियत जे वरसे जे वाधारे लाय कुछ लासानी करण जी बेइंतिहा चाह हुयी तहिं करे इन ओहदे आराम वारी ज़िदगी खां पोय बि संदस अंदर में हिक किसम जी बेआरामी ऐं बेचैनी हुयी।
1930 में जेठी ऊँचे तबके वारन सिंधी कुटुंबन जी आराम ऐं सहूलियत वारी ज़िन्दगीअ जो त्याग करे, नौकरी जे बन्धन खां आज़ाद थियण जो फेसिलो कयो। हिन फेसिलो कियो त मुल्क खे आज़ाद करायिण जी हलचल में हुअ अगते रही बहरो वठन्दी। जे इहो चयिजे त जेठी जो इहो फेसिलो आचार्य आसूदोमल गिडवानी, आचार्य जे बी कृपलानी ऐं जयरामदास दौलतराम जहिडिन शख़्सियतुन जे विचारन जे असर हेठि कयो त शायद गलत न थींदो। हकीकत में जेठी पहिंजे विद्यार्थी जीवन खां ई इन्हन शख़्सियतुन जे लागापे में हुयी।
साल1932 खां 1942 वारो अरसो जेठी लाय कहिं इम्तिहान खां घटि कोन हो छो जो इन अरसे में खेस जेल जी डुखी कष्टन भरी एकान्त ज़िंदगीअ सां पाण खे ठहकायिण जे दौर मां लंघिणो पयो। इहो संदस ज़िन्दगीअ जो उहो डहाको (डहन सालन जो अरसो ) साबित थियो जहिं में खेस केतिरा ई भेरा जेल थी। जे डिसजे त इहा बि सचाई आहे त दर असल इन अरसे जेठी खे सिंध ऐं सिंधियिन जी सियासत जो निहायत अहमियत वारो ऐं ज़रूरी हिसो बणाये छड़ियो। जेठी ब भेरा सिंध लेजिस्टेटिव असेम्ब्ली जी मेंबर चूंडी वयी। हुन सिंध लेजिस्टेटिव असेम्ब्ली जी डेप्युटी स्पीकर जे ओहदे ते पहुचण वारी पहिरियीं सिंधी नारी हुअण जो तमाम विरलो मानु हासिल कियो।
जेठी सिपहमलानी - मुंबई में लड़े आयल सिंधियिन जी मददगार
विरहांङें बैद कुमारी जेठी तुलसी दास सिपहमलानी भारत अची मुंबई (बॉम्बे) में थायींकीं थी। 1952 खां 1962 तायीं मेंबर त 1954 खां 1962 तायीं बतोर डेप्युटी चेयरमैन बॉम्बे लेजिस्टेटिव कौंसिल सां जुडियिल रही। सिंध मां बेघर थी भारत आयल सिंधियिन वास्ते हुअ डीहं रात कमु करे रही हुयी। सिंधी कुटुंबन खे मिलेट्री बैरीकुन में तकलीफ में रहन्दो डिसी हुन नवजीवन कोऑपरेटिव हाउसिंग सोसाइटी बरपा कयी जेका मुंबई जे माहिम, चेम्बूर, माटुंगा ऐं लेमिंग्टन रोड जहिडिन इलाकन में कमु करण लगी। जेठी तैलिमी ऐं तंदरुस्ती जे खेतर में कमु कन्दड संस्थाउन जी बि मदद कयी।
ताउम्र कुंवारी रही समाज सेवा कन्दड, सियासत में सिंधी नारी जो शान बुलंद करण वारी कुमारी जेठी सिपहमलानी जो 21 मई 1978 ते सुरगवासु थियो। बुधिजे थो त आदिपुर गांधीधाम में आदर्श कन्या विद्यालय जो नालो बदिलाये हिन जे नाले ते रखी हिन सची फ्रीडम फाइटर देश भगत सिंधी नारी जी जीवन कहाणीअ खे अमर बणायिण जी रिथ कयी वयी आहे।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.