अंजना सुखानी
TSW Citation
10 दिसंबर 1978 ते जावल, नवजवान सिंधी नींगर, बॉलीवुड फिल्म एक्ट्रेस ऐं नामवर मॉडल अंजना सुखानी, सिंधी युथ जी क़ाबिलियत, हुनरमंदी ऐं मिलियल मोके खे कामियाबी में बदिलायिण जी सलाहियत जो बेहतरीन मिसाल आहे। सांगे सां सुपर स्टार बिग बी सां हिक जाहिरात में चाइल्ड आर्टिस्ट तोर मिलियल मोके जो पूरो फायदो वठन्दे ऐं पंहिंजी पढ़ायी जो खरचु कढ़ण जी मुराद सां मॉडलिंग शुरू रखण वारी अंजना सुखानी अजु न सिर्फ देश में बेहतरीन मॉडलन में शुमारी थी वञे पर हिंदी बॉलीवुड फिल्म्स सां गडु बियन भाषाउन जी फिल्म्स में बि पंहिंजी अदाकारी जो ज़लवो डेखारे रही आहे। सिंधी युथ हमेशा बॉलीवुड सिंधी शख़्सियतुन खे आइकॉन जे रूप में डिसन्दो आहे। सिंधी युथ वासिते अंजना सुखानी बाबत जानकारी हेठि डिजे थी।
बायोग्राफी - अंजना सुखानी
सिंधी फिल्म अदाकारा: सिंधी मॉडल: फेमस सिंधी: सिंधी इन फिल्म इंडस्ट्री
अंजना सुखानी उन सिंधी नवजवान पीढ़ी जो हिसो आहे जेके भारत में जावल आहिन ऐं सिंधी कौम जे रिवायती खेतर धंधो ऐं वापार खां सिवाय बियन खेतरन में लासानी कामियाबी हासिल करे सिंधी कौम वास्ते गौरव जो अहसास आणिन था। इहो अंजना जो बालपणो हो जहिं समे खेस बॉलीवुड जे सुपर स्टार अमिताभ बच्चन सां गडु कैडबरी डेयरी मिल्क चॉकलेट जी टेलीविजन अड्वॅरटायजमेन्ट में कमु करण जो मोको मिलियो। इहो मोको अंजना जी ज़िंदगी बदिलायिण वारो ऐं एक्टिंग ऐं मॉडलिंग खे कॅरियर बणाइण वास्ते हिमथायिण वारो साबित थियो। अंजना पहिंजी वधीक पढ़ायी जे खरच वास्ते पैसा जमा करण वास्ते मॉडलिंग कन्दी रही नतीज़े तोर कहिं वकत संदस पढ़ायी ते बि असर पवे पियो। हेल तायीं अंजना सुखानी टेलीविजन वास्ते लगभग 40 अड्वॅरटायजमेन्ट में कमु करे चुकी आहे।
अंजना सुखानी जो जन्म 10 दिसंबर 1978 ते जयपुर राजस्थान में प्रीती ऐं ओम सुखानी जी धीउ जे रूप में थियो आहे। जयपुर जो सुखानी कुटुंब हिक आम सिंधी परिवार आहे जहिं जो फ़िल्मी दुनिया सां को बि लागापो न आहे। घर जो वातावरण इहो हो बारन वास्ते टेलीविजन डिसण बि वडी गालिह हुयी। खार मुंबई जे कमला हाय स्कूल मां स्कूली तैलीम हासिल करण वारी अंजना UK जी कार्डिफ मेट्रोपोलियन यूनिवर्सिटी मां इंटरनेशनल बिजनेस में मैनेजमेंट डिग्री हासिल करे पहिंजी पढ़ायी पूरी कयी।
वधीक दरिजे वारी पढ़ायी कियिल, ग़ैर फ़िल्मी माहोल वारे सिंधी परिवार मां आयल ऐं बॉलीवुड में को गॉड फादर न हुअण वारी अंजना खे शुरुआत में फिल्म्स खे कॅरियर बणाइण में को खास चाहु कोन हुओ। संदस अखरन में – मां एक्टिंग बाबत या हीरोइन ठहण बाबत कडिहिं सोचियो बि न हो, मुहिंजो विचार सिर्फ हिक फिल्म करण जो हुओ पर मां फासी पियम। अजु अंजना सुखानी न सिर्फ बॉलीवुड जूं हिंदी फिल्मस करे रही आहे पर तमिल, तेलुगु, कन्नड़ ऐं वेन्दे पंजाबी तोड़े मराठी भाषा जूं फिल्मस बि करे रही आहे। अंजना जी पहिरियीं तेलुगु फिल्म में हीरो हुओ रवि तेजा त मराठी फिल्म में अंजना स्वप्नील जोशी जी हीरोइन तोर कमु करे रही आहे।
अंजना म्यूजिक वीडियो दुल्हनिया मर जायेगी जो हिसो रही आहे ऐं हुन बतोर फैशन मॉडल बि कमु कियो आहे। टेलीविजन जे शो फीयर फैक्टर : खतरों के खिलाडी, जेको बॉलीवुड जे मशहूर स्टार अक्षय कुमार पेश कियो ऐं जहिं जी शूटिंग साउथ अफ्रीका में थी, जो न सिर्फ हिसो रही आहे पर इन चटाभेटी में चौथें नंबर ते आयी हुयी। हिकु भेरो अंजना खां संदस मैनेजमेंट जी पढ़ायी ऐं फिलमुन में कमु करण बाबत पुछियो वियो हो। हिन खिलन्दे जवाब डिनो हो – केतिरा भेरा तव्हां खे मोगे जी एक्टिंग करणी पवे थी। पर संजीदगी सां चयिजे त नयीं पीढ़ी जे कलाकारन जे अचण सबब हालतूं बदिलियूं आहिन। हीउ तमाम सुठो समो आहे फिलमुन में कमु करण जो।
फिल्मोग्राफी - अंजना सुखानी जी फिलमुन जी लिस्ट
हिंदी फिल्मूं
हमदम – सलाम-ऐ-इश्क़: अ ट्रिब्यूट टु लव – संडे – दे ताली – गोलमाल रिटर्न्स – जय वीरू – जशन – तुम मिलो तो सही – अल्लाह के बंदे – डिपार्टमेंट – मैक्सिमम – कमाल धमाल मालामाल – शानदार – कॉफ़ी विथ डी – गुड न्यूज़
तेलुगु फिल्मूं :: Naa Oopiri – Don Seenu
तमिल फिल्मूं :: Kadhal Samrajyam
कन्नड़ फिल्मूं :: Maleyali Jotheyali
पंजाबी फिल्मूं :: Young Malang – Sardaar Ji 2
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.