चन्दरु रहेजा
TSW Citation
इहो त आम चयो वेन्दो आहे त जडहिं बि गालिह धंधे जे लागापे वारन विचारन जो हूंदी त सिंधी दिमाग बेमिसाल साबित थींदो पर हिते गालिह आहे फोर्बेस जी बिलिओनर्स जी लिस्ट में शामिल चन्दरु रहेजा जी। असां इहो त चवूं बुधउं पया था त अजोको समो इंटरप्रेनर जो समो आहे पर हकीकत इहा आहे त केतिरा ई साल अगु चन्दरु रहेजा न सिर्फ इन मॉर्डन टर्मिनोलॉजी इंटरप्रेनियरशिप जो मतलब समझियो हुओ पर वापार जे संसार जे वाशिंदन खे इन ते अमल करे बि डेखारियो आहे। चवण वासिते त चयी सघिजे थो त शॉपर्स स्टॉप ऐं इन ऑरबिट मॉल कामियाब रिटेल चैन आहिन पर हकीकत में इहे बेहतरीन इंटरप्रेनियरशिप जा मिसाल आहिन। टीम TSW फखुर सां सिंधी युथ खे होसिलो डियण वारे ऐं जोश जगायिण वारी सिंधी शख्सियत चन्दरु रहेजा जी बायोग्राफी शामिल करे थी।
चन्दरु रहेजा - बायोग्राफी
फेमस सिंधी – सिंधी इंडियन इंटरप्रेनर – के रहेजा कारपोरेशन – शॉपर्स स्टॉप – इन ऑर्बिट मॉल
असां मां केतिरन जो खियाल आहे त अखर इंटरप्रेनर मॉडर्न समे जो अखर आहे पर हकीकत इहा आहे जो काफी समो अगु चन्दरु रहेजा न सिर्फ इन अखर इंटरप्रेनर खे समझियो हो पर उन ते अमल कन्दे पहिंजे परिवार जे रियल एस्टेट जे मकानी नंढे धंधे के के रहेजा कारपोरेशन जो शाही रूप डिनो। नतीज़ो अजु इहो ग्रुप रियल एस्टेट जे सिरमौरन में शामिल आहे। चन्दरु हिक नयीं कल्पना – हिकु नवों विचार पेश कियो पहिंजियूं घुरिजूं पाण पूरी कन्दड़ टाउनशिप [self-sustaining township] मतलब जिते सिर्फ रहण वास्ते घर न हुजन पर उन सां गडोगडु ओफिसियूं, आय टी पार्क, खेड़ण वास्ते मैदान, होटल ऐं मॉल इहे सभु हिक हंद हुजन।
चन्दरु रहेजा जो जनम 12 अक्टूबर 1941 ते लछ्मणदास रहेजा जे पुट्र जे रूप में सिंधु में थियो आहे । 1947 में बियन लखें सिंधी कुटुंबन वांगुर रहेजा कुटुंब बि लड़े भारत आयो ऐं अची मुंबई में थाईंको थियो। मुशकिलात जे शुरुआती दौर में ई चन्दरु जी स्कूली पढ़ायी शुरू थी जेका संदस डबल मास्टर्स ऐं डबल एल एल बी ते वंञी पूरी थी। हुन पहिरियूं मुंबई यूनिवर्सिटी मां मास्टर्स ऐं LLB जी डिग्री हासिल कयी ऐं पोय हावर्ड बिजनेस स्कूल मां।
1996 ताईं चन्दरु रहेजा ऐं संदस भाउरन मतलब रहेजा परिवार जो रियल एस्टेट जो धंधो गडियिल रूप में हले पियो पर हाणे उन्हन अलग थियण जो फेसिलो कियो। ट्रे नवां बिजनेस ग्रुप्स – के रहेजा कंस्ट्रक्शंस [चेयरमैन गोपाल रहेजा], के रहेजा यूनिवर्सल [चेयरमैन सुरेश रहेजा] ऐं के रहेजा कारपोरेशन [चेयरमैन चन्दरु रहेजा] वज़ूद में आया। इन्हन मां धंधे जे लिहाज खां चन्दरु सभ खां वधीक कामियाब थियो ऐतिरो जो भारत जे रईसन में शुमारिजण लगो।
इहो चन्दरु रहेजा जो सियाणप भरियो ऐं धंधे जी समझ भरियो फेसिलो हुओ जो हुन रिटेल वापार जी चेन जे रूप में 1991 में शुरू कियिल शॉपर्स स्टॉप जूं मुंबई तोड़े बियन शहरन में शाखाऊन जो तादाद लगभग हिकु सउ करण जी कोशिश शुरू कयी। 2004 खां वठी इन ऑर्बिट जहिडिन बिल्डिंग जे ठहण जो सिलसिलो पिण शुरू थियो। चन्दरुअ हिकु नवों ब्रांड माइंडस्पेस – ग्रीन बिल्डिंग्स ऐं आय टी पार्क पेश कियो। हुन चारलेट होटल्स शुरू कयी जहिं वटि अजु मुंबई जूं जे डब्लू मैरियट ऐं हैदराबाद जी वेस्टइन जहिड़ियूं होटल आहिन। 2003 खां 2008 ताईं चन्दरु II&fs Invest smart Ltd जे इंडिपेंडेंट डायरेक्टर जे रूप में बि कमु करे चुको आहे।
चन्दरु रहेजा - शख्सी जीवन ऐं अवार्ड्स
चन्दरुअ जी शादी ज्योती सां थियल आहे ऐं खेन रवि रहेजा ऐं नील रहेजा इहे पुट्र आहिन। बयी पुट्र के रहेजा कारपोरेशन में बतोर ग्रुप प्रेसीडेंट कमु कन्दे पिता जी मदद पिया कनि। फोर्बेस जी बिलिओनर्स जी लिस्ट में शामिल चन्दरु रहेजा न सिर्फ पहिंजे सादे नमूने जीवन गुजारिण वास्ते मशहूर आहे पर गडोगडु पहिंजी सामाजिक जवाबदारी बाबत पिण सुजाग आहे। इन गालिह जो सबूत आहे के रहेजा कारपोरेशन ग्रुप पारां हलन्दड़ एस एल रहेजा हॉस्पिटल एंड डायबेटिक रिसर्च सेंटर – एल एस रहेजा टेक्नीकल स्कूल ऐं एल एस रहेजा स्कूल ऑफ़ आर्ट्स एंड आर्किटेक्चर।
केतिरन ई फ़ोरम्स ऐं गिल्ड्स में चन्दरु रहेजा जो शख्सी सत्कार थी चुको आहे। संदस रिटेल बिजनेस चैन शॉपर्स स्टॉप खे 2010 में स्टार रिटेलर्स जो अवार्ड मिलियो हो। भारत जे होटल इन्वेस्टमेंट फोरम चन्दरु जे बेमिसाल योगदान वासिते खेस हॉल ऑफ फेम अवार्ड सां नवाजियो।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.