विरसो या वरसो कीयं ठहे थो ?

हिकु सवाल अहिड़ो आहे जेको माज़ी में बि केतिरा ई भेरा रूप बदिलाये मुहिंजे सामहूं अची चुको आहे ऐं अजु बि सामहूं आहे आखिर उहे कहिडियूं गालिहियूं आहिन जेके सिंधियत जे विरसे में शामिल आहिन ? सवलन अखरन में चयजे त वरसे जी अडवत कीयं थियल आहे ?
पर पहिरियूं विरसे या वरसे बाबत। थोरो वकतु अगु गुजरात में भारत पाकिस्तान जी सरहद जी वेझडायी में वसियल हिक शहर में वंञण जो मोको मिलियो। मकानी सिंधी अदीबन जो चवण हो त मुहिंजो विरसो चवण बिलकुल गलत आहे छो जो सही अखर आहे वरसो।
मां समझी न सघियो आहियां त उन्हन जी इन गालिह ते मां खिलां या रुआं ? अदीब हूंदे बि उहे इन अहसास खां परे महसूस थिया त न सिर्फ सिंधी भाषा पर हर हिक भाषा में पसगिरदायी मूजिब उचारन में थोरो घणो फरकु अचे थो। उचारन जो इहो फरकु को नयें ज़माने जी नयीं गालिह न आहे पुराणे समे में सिंधी भाषा जूं ऐराजी मूजिब छह उपबोलियूं [उचारन जो अलग अलग रूप] हुंदियूं हुयूं जेके अजु बि किन जगहन ते वज़ूद रखन थियूं।
सोशल मीडिया ते रहन्दे तव्हां खे आज़मूदो हूंदो त को अप्प डाउनलोड करण वक्त तव्हां खे ऑप्शन मिलन्दो आहे
Your preferred English
English [Latin]
English [American]
English [Indian]

छा इहे अलग अलग भाषाउं आहिन ? न इहे सभु हिक ई अंग्रेजी भाषा जा अलग अलग उचारन वारा वापर आहिन। मुहिंजे चवण जो मतलब सिर्फ ऐतिरो आहे त जे कहिं बी ऐराजी में रहण वारे शख्स जा उचार असां खां अलग आहिन त इन जो मतलब इहो बिलकुल न आहे त उहो शख्स गलत सिंधी थो गालिहाये। इहो बि हिकु सचु आहे त सिंधी भाषा जे माहिर तोर मशहूर शख्स जो इन विषय में पाण खे सही साबित करण जो ज़िद्दी इसरार बि हिकु सबब आहे सिंधी भाषा जे घटिजन्दड़ वापर वास्ते।