झूलेलाल (सिंधी )पलउ
सिंधी पलउ - पलउ झूलेलाल जो
पलउ सिंधिन जी पूजा करण जे विधी विधान जो हिकु अहमियत वारो हिसो आहे। रिवायत मूजिब झूलेलाल साहिब जी हर पूजा जी पछाडी पलव सां थींदी आहे तहिं खां सिवाय पलव हर रोज जे नितनेम जो पिणु हिसो आहे। पलव आसीस घुरण वारी पिरारथना या अरदास आहे। का आस पूरी थियण वासिते पिणु पलउ पारायिण जी रिवायत आहे। बहिराणो साहिब कढ़ण ते पिणु पलउ पायिण जो रिवाजु आहे। हर हिक शहर में अयं हर हिकशिरधालूअ मुजिब पलउ जे अखरन में थोरी फेरिफार मुमकिन आहे पर आमु तोर पलउ सागिये नमूने पाइबो आहे। असां हित हेठि उहो पलउ डयी रहिया आहियूं जेको गांधीनगर कोल्हापुर में पायो वेंदो आहे।
सिंधी पलउ - पलउ झूलेलाल जो - वीडियो अयं सिंधी देवनागिरी में
Singer : Lata Bhagtani (Vishnani) Ulhasnagar
झूलेलाल (सिंधी )पलउ
हाणे पलव जे पायींदा
तिन जा खाविंद खाली ना करियीं
अचन जे आस करे अजु तो वठु घोठ घणा
बिया बि डातार डेह में पर तो मंझ मणियां
हाणे जोशी जुंग घणा जो कायिम आहियीं कलिजुग में ।
लालण लालण मां करियां
त मुंहिंजो लालण कहिडीअ कुंड
मां बारियां थी लकडियूं
त मुंहिंजो लालण बारे बुंड
लालण मूं में कहिडी हुंद
जो लिकी वे तूं लाट में ।
माउ चवे थी पुट खे पुट मखण वठी खाऊ
तुरंदो ताराज़ीअ में जो पैसे लगंदो पाउ
हाणे अहिडो सांवल शाह
जो डींदो डाति संगत खे ।
झूलण तुहिंजे दर ते आहे शुआंरन जो बागु
वेठो आहियीं त सडु डे जे सुमहिंयो आहियीं त जागु
हाणे डे संगत खे लाभु
जो सुवाली आहिन तुहिंजे दर जा।