झूलेलाल साहिबन जो जनम
सिंध जो इतिहास - जनम खां अगु वारियूं हालतूं
सिंध जी सरजमीं खे रूहानी रहबरन अयं परमातमा डांहु लाडो रखंदड रुहुन जे जनम लाय वधीक मुफीद अयं सरसबजु लेखियो वेंदो आहे छो जो धरतीअ जो इहो हिसो सिंधियन जे आराधिय देव झूलेलाल साहिब सां गडोगडु बियन संतन महापुरषन जी जनम भूमी आहे। इंडिस वैली सभियता जे समे खां वठी करे सिंध खे संतन , सुफियन , दरवेशन अयं फकीरन जी धरतीअ तोर मशहूरी मिलियल आहे।
राजा डाहिरसेन [सिंध जो आखरियिन हिन्दू राजा ] जे मोहमद बिन कासिम खां हाराइण खां पोइ सिंध में तलवार जे जोर ते इसिलाम जो फेलाअु शुरू थियो। डहीं सदीअ जे पोयें अध में मकरब खान, जेको पाण खे “मिरक शाह ” सड़ायिण पसंद कंदो हो, तहिं शाह सदाकत खान जो खून करे,थट्टा जो राजु हासिल कियो।
मिरक शाह खे संदस राज दरबारियिन चयो त जे मिरक शाह इसिलाम जो फेलाअु कंदो हो पक मुए पोइ जनत में वेंदो। दरबारीयिन जी इहा सलाह बुधी मिरक शाह पहिंजे राज जे हिंदून जे मुखियिन खे घुराये चयो त या त इसिलाम कबूल कियो या वरी मरण जी तयारी कियो। मुखियिन खे खबर हुई त मिरक शाह इसिलाम जे फेलाव लाय कुछ भी करे सघे थो। इसिलाम कबूल करण बि सवली गालिह कोन हुई पर इंकार जो अंजाम मौत हो इनकरे मुखियिन को बि फैसलो करण खां अगु सभनी हिंदुन खे सलाह करण लाय घुरायो।
हिंदू हजारन जी तादाद में सिंधु नदिअ जे किनारे ते अची कठा थिया अयं दरियाह शाह खे हिन मुसीबत जे वकत मदद लाय पुकारिण लगा। इतिहास चये थो त इहे हजारें हिन्दू पूरा चालीह डींह दरियाह शाह जी पूजा कंदा रहिया। इहो समुरो वकतु उहे सागिया कपड़ा पिया पाइन, तेल साबुण खां सिवाय सिनानु पिया कनि । जीयं त जमा थियल सिंधी हिंदुन जो तादाद काफी वडो हो इनकरे उहे खाधो बि सादो बिना मसालन वारो पिया खायिन। अजु जेको असां चालिहो मलिहायूं था उहो दरअसुल इनहन चालिहन डींहन जी याद आहे। चालिहन डींहन खां पोइ आकाशवाणी थी
“मां नसरपुर में देवकी अयं रतन राय (रतनचंद लोहाणा) जे घर जनम वठंदुम अयं तवहां सभनी जो उधार कंदुम “
आकाशवाणी बुधी हिंदून खे साह में साहु पियो । हाणे मुखी मिरक शाह जे दरबार में वंजी चवण लगा त इसिलाम कबूल करण जो फेसिलो करण लाय खेनि वकतु खपे। मिरक शाह खे जाण हुई त हिंदु संदस दया ते आहिन हू जहिं वकत चाहे हिंदून खे मारे सघे थो इनकरे उन मुखियिन खे वकत जी मोहलत डिनी।