बिया सिंधी धार्मिक विशवास

बियन धार्मिक पंथन खे मंञिण वारन में राधास्वामी सतसंग ब्यास ऐं आनंदपुरी कुटिया में विशवासु रखण वारन जो तादाद निसबती तोर वधीक आहे।
राधास्वामी पंथ जे तत्वज्ञान मूजिब असां खे पंहिंजा जिसमानी फ़र्ज़ पूरा कन्दे, नाता निभायीन्दे पंहिजे दिलो दिमाग खे प्रभु तरफ मोड़िणो आहे। इन वासिते पंथ में
सिमरन : रोजाना ज़िंदगी जा कम करण वक़त बि प्रभु नाम जो सिमरन कजे
धिआनु : हमेशा पंहिंजो धिआनु मुख्य मकसद मतलब प्रभु जे अस्तित्व जी मौजूदगी महसूस करण ते रखण घुरिजे।
भजन : संगीत में दिमाग खे एकाग्र करण जी सलाहियत थिये थो सो भजन बुधण या गायिण असां खे प्रभु जे वेझो पहुचण में मददगार थींदो।
आनंदपुरी कुटिया या श्री आनंदपुर दरबार इन पंथ में श्रद्धालुन जे आध्यात्मिक वाधारे ते वधीक धिआनु डिनो वेन्दो आहे जंहि वासिते नाम सिरमन ऐं चित जी एकाग्रता ते वधीक जोरु डिनो वेन्दो। पंथ में नाम जी महिमा ऐतिरी आहे जो श्रद्धालुन खे गुरु जी तसवीर खीसे में रखण जी बि मनाही आहे।
सिंध संतन सूफिन दरवेशन फ़कीरन जी सरज़मी लेखी वेंदी हुयी जो वरसे तोर सिंधियिन में संतन महात्माउन ऐं ,महापुरुषन में पिणु विशवासु करण जी रिवायत आहे। केतिरा सिंधी शिरडी साई बाबा, माता शेरोंवाली खे त पूजिन था त बियन केतिरिन ई वासिते साई वसण शाह, स्वामी लीला शाह, साधु वासवानी आराधिय देव आहिन। जे संतन जी गालिह कजे त कंवर राम साहिब समेत केतिरा ई नाला लिखी सघजन था।