तारणहार झूलेलाल Rescue works of Jhulelal

मिरक शाह सिंधियन जे मुखिन खे घुराये इसिलाम कबूल करण जी संदस पेशकश ते हिंदुन जे फेसिले बाबत पुछियो। मुखी जिनखे आकशवाणी मूजिब बालक जे जनम वठण सबब विशवास थी चुको हुओ सिंधियिन जो तारणहार अवतार जनम वठी आयो आहे सो मुखिन मिरक शाह खां वधीक वकत जी घुर कयी।

मिरक शाह बालक जे जनम खां अणजाण न हुओ, सागिये वकत हू इहो बि डिसण पे चाहियो त हिकु बालक कीअं हिंदुन खे शाह जे कहर खां बचाये इसिलाम कबूल करण खां रोकिण में कामयाब थिये थो। मिरक शाह सिंधी हिंदु मुखिन खे वकत जी मोहलत त डिनी ई पर सागिये वकत पहिजें वजीर अहीरे खे नसरपुर वंञी बालक बाबत समुरो अहिवाल हासिल करण अयं मुमकिन थी सघे त बालक खे मारिण जो हुकुम पिणु डिनो।

नसरपुर में रतनचंद वकत मूजिब बालक जो मुनण कराइयो [ मुनण – हीअ उहा रसम थिंदी आहे जहिं मुजिब जनम जे मुकरर अरसे खां पोय बार जे मथे जा वार लाहिराया  वेंदा आहिन ] जी रसम खां पोय पिता बालक उदयचंद खे गुरु दीक्षा (पढ़ाहियी- इसकूली तेलीम – जी शुरुआत  जी मोकल वठण ) लाय गुरु गोरखनाथ वट वठी आयो। बालक खे डिसी अयं रतनचंद जे अचण जो मकसद बुधी गुरु गोरखनाथ जे चपन ते खिल अची वयी हुनन मुश्कंदे चयो
“मां उनखे छा गुरु दीक्षा डिन्दुंम जहिं खां समुरे जगत खे गियानु पयो थो मिले पर रतनचंद तुहिंजे अचण करे मां बालक खे “अलख निरंजन ” हिउ  गुरु मंतर डींदे गुरु दीक्षा डियां थो।  बालक जे जनम वठिण जे थोरे अरसे बेद ई माता देवकी जो सुरगवासु थी वियो। बालक जी संभाल जे मकसद सां रतनचंद बी शादी करे चुको हुओ।

बालक उदयचंद जी उमर थोरी वड़ी थी त माटेली माउ खे लगो त हाणे उदयचंद खे बि कुटुंब जी कमायी में हिसो वठण घुरिजे सो हुन हिक डींहु कूहर रधे मटकी (मिटिअ जो थांव ) भरे उदयचंद खे डींदे बाजार में कूहर विकणी पैसा कमाये अचण लाय चयो।  बालक मटकी खणी सिंधु नदिअ जे किनारे ते आयो।

अधु कूहर आमु माण्हुन में विराहे बाकी अधु कुहरन वारी मटकी सिंधु नदीअ जे जल पिरवाह खे अरपणु करे छडी।  सजो डींहु बालक सिंधु नदीअ जे किनारे ते कठो थियलन सां रूहानी खियालन जी डे वठु कंदो रहियो।  शाम जे वकत सभु अजब में पयिजी वया छो जो बालक उदयचंद जी सिंधु नदीअ खे अरपण कियल मटकी वापस अची किनारे लगी। उहा मटकी उमिदे किसम जे चांविरन (ताहिरीं ठाहिण जोगे ) सां भरियिल हुई।  बालक उदयचंद मटकी खणी घर अची माउ खे डिनी।  

बालक उदयचंद जी उमर वधण सां उनजे चमतकारन जूं गलिहियूं बि वधण लगियूं। मिरक शाह पिण इहे चमतकारी गालिहियूं बुधियुं जहिं सबब शाह जे मन में हिक किसम जे भव अची घरु कियो।  शाह पहिंजे वजीर अहीरे खे घुराये नसरपुर मोकिलियो जीयं वजीर बालक खे शाह सां रूबरू अकेलो मिलण लाय वठी अची सघे।  वजीर अहीरो अगमें बि नसरपुर आयो हो अयं बालक जा चमतकार डिसी झूलेलाल जो मुरीद थी चुको हो।  वजीर खे जाण हुई त मोलविन अयं बियन दरबारिन जी सलाह अयं जोर जे असर हेठ मिरक शाह इहो बंदोबसतु करे चुको आहे त जडिहिं बालक उदयचंद शाह सां मिलण अचे त बालक खे गिरफतार कजे या मारे छडिजे। वजीर अची इहा समुरी हकीकत बालक उदयचंद खे बुधायी।
मिरक शाह जो शरणागत अचण
मुलाकात जे वकत अजब नजारो हुओ। बालक उदयचंद खे गिरफतार करण या मारिण जा सभु बंदोबसत बेकार थी विया छो जो न सिरफ महल बाहि सां घिरी वियो पर गडोगडु पाणी जे तेज वहकरे सबब सभनी खे बोडि में फासी पवण जो अहसास पे थियो। हिक पासे बाहि त बिये पासे बोड़ बचण जो कोई रसतो न डिसी मिरक शाह हथ जोडे शरणागति कबूल कंदे चवण लगो
“मां कबूल कियां थो त हिंदु तोडे मुसलमान हिक ई दातार जो अंसु आहिन अयं कहिं खे बि हकु कोनिहे जो जोर जबरदसती सां बिये खे धरम बदिलायिण लाय मज़बूर करे। मां इहो बि वायदो थो कियां त बाकी बचियल जिंदगी पहिंजे हिन इकरार ते कायम रहंदुम , मेहरबानी करे मुहंजी अयं बियन जी जिंदगी बचायियो। “
झूलेलाल साहिबन सभनी खे जिंदगी बखशींदे चयो

“हमेशा याद रखो त जोति (बाहि ) हिन समूरे संसार जो त जल जीवन जो मुखिय अयं पहिरियों आधार आहे। “

चवणी आहे त उन डींह खां वठी झूलेलाल मंदिर में जोति अयं डाति जो सिलसिलो शुरू थियो। इन सां गडु कूहर अयं तांहिरी झूलेलाल साहिब जे पिरसाद तोर विरहायिण जी रीत शुरू थी।