शंकर लालवानी
TSW Citation
भारत जो सिंधी युथ सिंधियत जे वरसे जी हुब में जलसन ऐं इजिलासन जा मोका गोलिहे थो। लोक सभा चूंडियूं खटी इंदौर जो पहिरियों सिंधी एम पी थियण जो मानु हासिल करण वारे सिंधी राजनेता शंकर लालवानी 17 जून जे रूप में अहिड़ो हिक मोको सिंधी युथ खे डिनो आहे। साल 2019 जे 17 जून ते खटी आयल सभु लोक सभा एम पी कसमनामो खणनि पया। पंहिंजो नंबर अचण ते शंकर लालवानी पिणु कसमनामो पढ़िहण शुरू कयो पर सभनी खे अज़ब में विझन्दे पंहिंजी मातृभाषा सिंधी में। सिंधी भाषा भारत जे संविधान जी मंज़ूरी मिलियल भारतीय भाषाउन में शामिल आहे पर हीउ पहिरियों भेरो हुओ जो कंहिं आला दरिजे जे मोके ते सिंधी भाषा जो उपयोग थियो। हाणे सिंधी युथ चाहे त 17 जून खे सिंधी भाषा जे इतिहास जो हिकु अहमियत वारो डींहुं मंञी जलसा मालिहाये सघे थो। टीम TSW फ़खुर सां सिंधी भाषा ऐं सिंधियत जे शैदायी नामवर सिंधी राजनेता शंकर लालवानी जी जानकारी शेयर करे थी।
शंकर लालवानी - शुरुआती जीवन ऐं राजनैतिक सफर
मध्य प्रदेश जी आर्थिक राजधानी इंदौर जो वाशिंदो शंकर लालवानी, सिंधी कौम जे विरले तबके, सिंधी सियासतदानन में शामिल आहे ऐं संदस नाले ते इंदौर लोक सभा जूं चूंडू [2019] वोटन जे वधि में वधि फरक सां खटण जो रिकॉर्ड पिण आहे।
चाहे इहा व्यापारिन जी दुनिया हुजे या इंदौर जो सिंधी समाज बिन्ही हंद हुन जी हरदिल अज़ीज़ सागिये मुक़ाम ते आहे ऐं दुनिया जी सतह जे शंकर लालवानी मोस्ट फेमस इंडियन सिंधी लिस्ट में शुमारियो वेन्दो आहे। शंकर लालवानी जो जन्म इंदौर में 16 अक्टूबर 1961 ते जमनादास ऐं गौरीदेवी जे पुट्र जे रूप में थियो। संदस शुरुआती स्कूली सिखिया पिणु इंदौर में थिएल आहे। सिंधी कौम जी तैलीमी खेतर बाबत पुराणिन रिवायतुन जे बरख़िलाफ़ शंकर लालवानी मुंबई जे वीरमाता जीजाबाई टेक्नोलॉजिकल इंस्टिट्यूट मां बी. टेक. जी डिग्री हासिल कयी आहे पर रोजी रोटी वास्ते सिंधी रिवायतुन जी पुठ भरायी कन्दे हुन नौकरी जी जगह ते धंधे करण खे पसंदगी डिनी।
शंकर लालवानी खे इन गालिह जी पूरी पूरी जाण ऐं समझ आहे त भारत में सिंधी समाज जी घणियिन मुशकिलात जो सबब आहे सिंधी समाज जी राजनीति में घटि नुमाइन्दगी – हिक किसम सां सिंधी राजनेताउन जो अकाल। सिंधी युथ जो वडो हिसो सिंधी सभ्यता ऐं सामाजिक जीवन जे वरसे बाबत बेहद घटि जानकारी रखे थो सो चेट्री चंड्र [गुड़ी पाड़वा] उत्सव, भारत लडे आयल हिन्दु सिंधियिन खे नागरिकता डियारिण ऐं बिया सामाजिक कम कन्दे हुन सिंधी समाज जी बधी ऐं सियासत में बहिरो वठण ते हमेशा खास धियान डिनो आहे।
1994 में 33 सालन जी उमिर में शंकर लालवानी खे पहिरियों भेरो इंदौर मुंसिपल कारपोरेशन जो पार्षद बणिजण जो मोको मिलियो त 1999 में इंदौर मुंसिपल कारपोरेशन जे PWD खाते जो चेयरमैन थी कमु करण जो वझु मिलियो। सिंधी कौम खे सियासी तोर मज़बूत बणायिण जो पहिंजो मकसद धियान में रखन्दे, पाण खे मिलियल इन मोके जो पूरो फायदो वरतो ऐं सिंधी सामाजिक संस्थाउन में सरगम कुझु सिंधी नवजवानन खे मकानी राजनीती में अगते वधण में मदद कयी ।
इंदौर शहर जे ट्रैफिक जे मसले खे हलु करण वास्ते केतिरा ई पुल, फ्लाईओवर ऐं मल्टीपल फुटओवर ब्रिज शंकर लालवानी जी बानीकारी हेठि ठाहिया वया। शहर खे वधीक सुहिणो बणायिण वासिते वण पोखिण जी मोहिम हुजे या शहर जे नवजवानन खे रोज़गार मिलण वासिते कयल हिन जी कोशिशिन सबब हू न सिर्फ इंदौर जो हरदिल अज़ीज़ अगुवान बणिजी पियो पर खेस 2013 – 2018 में इंदौर डेवलपमेंट अथॉरिटी जे चेयरमैन जो ओहदो पिण मिलियो।
इहो शंकर लालवानी जे भारतीय जनता पार्टी जे उसूलन में विशवास ऐं उन्हन ते अमल करण जो नतीज़ो चयिजे या कम करण वास्ते नवां तरीका / नवां आईडियाज कम आणे मकसद हासिल करण वासिते सखतु मेहनत करण जी क़ाबिलियत जो नतीजो आहे जो जहिं वकत इंदौर मां अठ भेरा खटियल ऐं लोक सभा जी सभापती सुमित्रा महाजन 2019 जी लोक सभा जी चूंडिन में बहिरो न वठण ज़ाहिर कियो त इन अहमियत वारी सीट ते बीजेपी शंकर लालवानी खे मोको डियण जो फेसिलो कियो हालांकि शुरुआत में बीजेपी जे जनरल सेक्रेटरी श्री कैलाश विजयवर्गीय जे विचार जी गालिह सामहूं आयी हुयी।
इन लोक सभा चूंडिन में पहिरियों भेरो बीठल हूंदे बि शंकर लालवानी खे न सिर्फ डहन लखन खां वधीक वोट मिलिया पर हुन पंज लखन खां वधीक फरक सां खटियो। 17 लोक सभा जे मेंबर तोर 17 जून 2019 ते शंकर लालवानी जो खंयल कसमनामो सिंधी कौम वासिते यादगार ऐं फ़खुर भरियो लमिहो आहे जो शंकर लालवानी सिंधी कौम ऐं सिंधी भाषा जो मानु वधाईन्दे इहो कसमनामो पढ़ण वास्ते सिंधी भाषा कमि आन्दी।
शंकर लालवानी - शख्सी जीवन
10 मार्च 1985 ते अनीता ऐं शंकर लालवानी जी शादी थी जोड़ो हिक पुट्र सां गडु इंदौर शहर में खुशहाल ज़िंदगी गुजारे रहियो आहे। संगीत बुधण जे शौकीन शंकर लालवानी खे बुनियादी ज़रूरी सहूलियतूं तैयार करण, कला ऐं तहज़ीब जे खेतर में खास चाहु आहे।
योग करण सां गडु कबड़ी ऐं तरण सां गडु सैर पिण संदस शौंकन में शामिल आहिन। ऑस्ट्रेलिया, मलेशिया, चीन,सिंगापुर ऐं थाईलैंड कुछ अहिड़ा देश आहिन जिन जी सैर शंकर लालवानी करे चुको आहे। इन में को शकु न आहे त शंकर लालवानी न सिर्फ भारत पर दुनिया जे सभ खां मशहूर सिंधियिन जी लिस्ट में अगिरायी सां शामिल आहे।
शंकर लालवानी - ओहदा
1993 :: इंदौर विधानसभा 4 खेतर जो बीजेपी प्रेसीडेंट
1994 – 1999 :: इंदौर मुंसिपल कारपोरेशन जो पार्षद
1999 – 2004 :: इंदौर मुंसिपल कारपोरेशन जे PWD खाते जो चेयरमैन
2013 – 2018 :: इंदौर डेवलपमेंट अथॉरिटी जो चेयरमैन
2019 :: 17हीं लोकसभा जूं चूंडियू खटण
13 सितम्बर 2019 खां लोकसभा जी अर्बन डेवलपमेंट कमेटी जो मेंबर
9 अक्टूबर 2019 खां लोकसभा जी गैर हाज़िर रहण वारन मेंबर्स जी कमेटी जो मेंबर ऐं कल्चरल एंड टूरिज्म मिनिस्ट्री जी कंसल्टेटिव कमेटी जो मेंबर
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.