झूलेलाल जनम साखी - Life of Jhulelal

जे डिसजे त सिंधियिन खे साईं नाले सां सडु करण हिंदू धरम जी पुरातन परमपरा मूजिब आहे। मिसाल तोर विष्णु जी पूजा करण वारा वैष्णव लेखिया वेंदा आहिन चाहे उनहन खे इन नाले सां सडियो न वेंदो हुजे। सिंधी लाल साईं झूलेलाल जी पूजा कंदा आहिन मतलब झूलेलाल साहिब सिंधी कौम जा आराधिय देवता आहिन सो झूलेलाल साहिबन जे नाले सां जुडियिल अखर साईं सिंधी कौम जे हर शख्स जो आमु नालो बणिजी मशहूर थी वयो। हुअं बि सिंधी भाषा में आम तोर अखर साईं रूहानी रहबर, धरम गुरु या मालिक लाय कमि अचे थो।

जहिं समे मुसिलमान हुकुमिरान मिरख (मिरक) शाह सिंधी हिंदुन खे इसिलाम कबूल करण या मोत चूंडिण जो हुकुम डिनो उन वकत, सिंध ते केतिरिन सदियिन खां गेर हिंदुन जी हुकूमत सबब सिंधी पहिंजियूं रूहानी, धार्मिक पाडूँ विञाये चुका हुआ। हालांकि इन गालिह जा ऐतिहासिक सबूत आहिन त सिंधु नदी जे किनारे ते रहण वारन हिंदुन मतलब सिंधी कौम खे न सिर्फ पंहिंजो खासु तहजीबी शिरसतो हुओ पर पहिंजी अलग भाषा बि हुयी।

मोहन जो दड़ो या मुअलन जो दड़ो जी खुदायी बुधाये थी त सिंधु घाटी सभियता पुरातन इंसानी सभियातुन में शामिल आहे। मोहन जोदड़ो अयं हड़पा में कियिल खुदायी मां अहिड़ा इशारा मिलिया आहिन जेके सिंधियन जे हिन्दू हुजण जे रुख में चिटी गवाही डियन था। मोहन जोदड़ो इन गालिह जो पिणु सबूत आहे त सिंधी कौम न सिरफ वड़ा शहर ठाहिण जे हुनुर सां वाकफियत रखंदी हुयी पर सिंधी कौम खे इनहन शहरन जी संभाल करण बाबत पिणु जानकारी हुयी।

सिंधी हिंदू अयं झूलेलाल जनम साखी
मिरक शाह जे जुलमन अयं धमकी जे असर हेठि जिंदगी अयं धरम जे लिहाज खां इन डुखिये समे में सिंधी अची सिंधु किनारे ते कठा थिया अयं जल देवता खे पंहिंजी रखिया वासिते पिरारथना करण लगा। हजारें सिंधी केतिरा ई डींह जल देवता खे बाड़ायिन पिया। आखिर में आकाशवाणी बुधी – त सिंधियिन जो उधार करण वासिते जल देवता अवतार वठी ईंदो – घर मोटिया।

झूलेलाल साहिबन जी जनम साखी मतलब इन आकाशवाणी खां वठी झूलेलाल साहिबन जे इंसानी रूप में धरतीअ ते रहण जे विच वारे अरसे जो बयानु आहे। केतिरा इन खे झूलेलाल जी समूरी कहाणी (complete Story of Jhulelal) बि चवण था। पढ़िहण अयं समझण जी सहूलियत धियान में रखी असां इन विच वारे अरसे मतलब झूलेलाल साहिबन जी जनम साखी खे कुझु हिसन में विरहाये हर हिक खे अलग उनवान डिनो आहे। हेठ डिनिल उनवान ते किलिक करे तव्हां जन्म साखी जो उहो हिसो पढ़ी सघो था.

सालाना सिंधी जलसा
झूलेलाल साहिब जे अवतार सां जुडियिल
(01) चेट महीने जे चंड्र ते झूलेलाल साहिब जे इंसानी रूप में जनम वठण सबब
इहो डींहुं चेटी चंड या सिंधी नयें साल जी शुरुआत जे रूप में मलिहायिण जी रीत शुरू थी। इहो उहो डींहुं आहे जंहि ते दुनिया जी हरि कुंड में रहण वारो सिंधी आयोलाल झूलेलाल ज़रूर चवंदो आहे।
(02) सिंधु जे किनारे सिंधी हिंदुन 40 डींह जल देवता जी पूजा पिरारथना करे अवतार वठण वासिते मजबूर कियो हुओ इन सबब करे
हर साल अंग्रेजी महीनन जुलाई अगस्त महीने में चालिहो मलिहायो वेंदो आहे। इहो चालीहन डींहन जो विरतु आहे। जंहि जी विसतार सां जाण सिंधी डिणन में डिनी वयी आहे।

1947 में देश जे धर्म जे आधार ते बिन हिसन में विरिहाजण सबब सिंधी पंहिंजो अबाणो वतन सिंध छडे भारत लड़े अचण वासिते मजबूर किया विया। अजु दुनिया में भारत उहो देश आहे जिते हिंदू सिंधियिन जी जनसंखिया वधि में वधि आहे सो कुदरती तोर झूलेलाल साहिबन जी जनम साखी सां जुडियिल इहे बयी सालाना जलसा भारत में वड़े जोश, उत्साह अयं उमंग सां मलिहाया वेंदा आहिन। उल्हासनगर, भरुच, चकरभाटा, इंदौर धुले जहिड़ा शहर चालीहे वासिते मशहूर आहिन त छतीसगढ़ में गणेशोत्सव वांगुर घर घर में झूलेलाल जो नारो बुलंद कंदे चेटी चंडु मलिहायिण जी रीत शुरू कयी वयी आहे।
सिंधियत सुहिणी रहे
एस पी सर (मंघिरमलानी) कोल्हापुर