सिंधी धारमिक विशवास

सिंधी धारमिक विशवास

सिंधी को जूं रिवायतुं अयं इतिहास डेखारे थो त सिंधी समाज हिक तमाम मजबूत धारमिक विशवासन वारी कोम आहे। बुनियादी तौर सिंधी इंडस वेली सभियता जे सनातन हिंदु धरम खे मंञण वारी कोम आहे। सिंधिन में चिटी तरह सां मुखतलिफ धारमिक विशवास नजर अचन था पर इहा गालिह सिंधिन जी कमजोरी न पर लासानी खूबी लेखिजे थी। पंजाबी अयं सिंधी बिनही कोमुन ते 1947 जे देश जे विरहाजण जो वधि में वध असर थियो आहे। केतिरा ई सिंधी जेके पाकिस्तान मां भारत न आया उनहन मां चंगन पाकिस्तान जूं धारमिक हालतूं कबूल कंदे वकतु पुजाणे इसिलाम कबूल कियो आहे। 
रवायती तोर सिंधी अयं पंजाबी सागिये तर जा लेखिया वेंदा आहिन अयं सिंध खे संतन दरवेशन फकीरन जी सरजमीं लेखी वेंदी हुयी तहिं करे सिंधिन में पंहिजे आराधिय देव जल देवता जे अवतार साईं झूलेलाल साहिब सां गदोगडु आदि गुरु धन सिरी गुरुनानक देव जी पूजा करण वारन जो तादाद काफी वढो आहे। सिंधी कोम जी इहा आम रवायत अयं रोजानो जिंदगीअ जो हिसो आहे त उहे गुरदुआरे, जहिं खे सिंधीअ में दरबार (गोठणी बोलीअ में टिकाणो ) चयिबो आहे. जहिं जी संभाल जगियासी अयं उदासी साध कुटुंब कनि था, वञन था अयं जागिरत गुरु धन सिरी गुरुगिरंथ साहिब जी बाणी जो पाठु कनि था।
प्रेम प्रकाश मंडल अयं संत निरंकारी मिशन सिंधिन जा बिया वधीक मञता वारा मुखिय धारमिक विशवास आहिन। प्रेम प्रकाश मंडल जी खास गालिह इहा आहे त हेल तायीं मंडल जे पंजन ई गुरुन जो जनम सिंधी परिवार में थियो आहे। चंगन सिंधीइन जो राधासुआमी अयं अनंदपुरी पंथ में पिणु विशवास आहे। केतरा ई सिंधी अलग अलग हिंदु देवी देवताउन शंकर भगवान, श्री गणेश, श्री राम, श्रीकृष्ण, माता राणी जी पूजा कनि था त किन सिंधिन जो आराधिय देव आहे शिरडी साईं बाबा।
दखण ओलह महाराष्ट्र अयं देश जे किन बियन हिसन जा केतरा ई सिंधी करवीर निवासी देवी महालछमी (अमबा देवी) जा पुजारी आहिन तहिं करे हिकु अलग पेज महालक्ष्मी कोल्हापुर लाय डिनो वियो आहे। इहो बि हिंदू धारमिक विशवास अयं मंञता आहे त तिरुपति तीरथ यातिरा तडहिं पूरी अयं फलु डियण वारी लेखी वेंदी आहे जडिहिं तिरुपती बालाजी जो दरशन करण खां पोय श्री महालक्ष्मी कोल्हापुर जो दरशन कजे।
असां पहिंजे पारां सिंधिन जे सभनी धारमिक विशवासन जी पूरी पूरी अयं सही जाण डियण जी कोशिश कयी आहे पर जे तवहांखे का घटितायी नजर अचे त बिलाशक लिखी मोकिलियो।
2021 जो बदिलाव
सिंधी धारमिक पंथन जे धरम गुरुन तोड़े सिंधी संतन जूं बायोगिराफियूं -जीवनियूं अगमें जेकेवेबसाइट जे हिन हिसे में शामिल हुयूं तिन खे हाणे बायोगिराफिन वासिते ठाहियिल नयें सेकशन सिंधी शखसियतूं में सिंधी संत हिसे में शामिल कियो वियो आहे।
सिंधियत सुहिणी रहे
एस पी सर (मंघिरमलानी) कोल्हापुर