सिंधियत

सिंधियत सेक्शन – 2021 जा बदिलाव
द सिंधु वर्ल्ड बियन सिंधी वेबसाइट जहिडी हिक बी सिंधी वेबसाइट न पर गिलोबल सिंधी समाज जो आभासी घरु (Virtual Home) आहे। हीअ आरसी आहे आलीशान सिंधी वरसे जी चाहे इहो वरसो सांस्कृतिक हुजे, अदबी हुजे या सामाजिक हुजे। सिंधी कौम जे आराधिय देव भगवान झूलेलाल साहिबन जी जनम साखी हुजे या हुजन सिंधी संतन, धर्म गुरुन, रूहानी रहबरन, नामवर लेखकन, कविन, इसपोरट शखसियतूं, सियासी अगुवानन या सामाजिक अगुवानन जूं जीवनियूं हुजन इहे सभु सिंधियत जी आरसी जा अकस आहिन। सिंधियत जी इन आरसी जो हिकु अहम अकसु आहे सिंधी समाज जो जिंदगी जियण जो तरीको (Life Style) अयं सामाजिक जीवन, जहिंजो इजिहार थिये थो सिंधी डिणन – तियोहारन, सिंधी खाधे अयं सिंधियिन जे धार्मिक विशवास जे मारफत।
सिंधी धारमिक विशवास अयं सिंधियत
सिंधियत सिरफ वरसे में मिलण वारे गुणन जो मेडु न आहे पर इहा सिंधी समाज जे हर हिक शखस जे शखसी जीवन तोड़े सामाजिक जीवन जी बुनियाद पिणु आहे। इंसान जे धारमिक विशवास अयं रोजाने पूजा पाठ नित नेम जे असर हेठि इंसान जी रोजानो जी जिंदगी बदिलिजे थी, बियन खां कुझु अलहदा महसूस थिये, सो हाणे सिंधी धारमिक विशवास जेके अग में हिकु अलग सेकशन हुआ से आहे सिंधियत सेकशन जो हिसो हूंदा।
हीउ बदिलाव सिंधी समाज जी धारमिक हलत खे समझण में पिणु मददगार थींदो छाकाण त सिंधी कौम जे आराधिय देव भगवान झूलेलाल साहिबन जी जनम साखीअयं बियन धारमिक विशवासन जी जानकारी हिक – सागी जगह ते हुअण सबब सिंधी समाज जे धारमिक जीवन जो साफु अयं चिटो अकसु डिसी सघण सवलो थी पवंदो। इहा गालिह बि समझण सवली थी पवंदी त निफाक अयं सहजीवन – विचारन जो अलग हूंदे बि गडु जियण खे सिंधी कौम जी सुञाणप वारी खासियत जो दरिजो छो हासिल थियो आहे।
सिंधी लोक कहाणियूं – इतिहास अयं सिंधी भाषा
अगमे इहे सिंधियत सेकशन जो हिसो हुआ पर विसतारसां समझण अयं सिंधी समाज जे शखसी तोडे सामाजिक जीवन ते साहित जे असर खे धियान में रखी सिंधी भाषा अयं साहित इहो हिकु नओं सेकशन जोडियो वियो आहे। ब्लॉग सेकशन खे पिणु नओं रूप डींदे सिंधी इतिहास खे इनफॉरमेटिव (जानकारी डियण वारे) ब्लॉग में जगह डिनी वयी आहे।
सिंधियत सेक्शन जो नओं रूप अयं रचना
सिंधी टिपणे अयं सिंधी डिणन जे अंदरूनी लागापे तोड़े असां जे जीवन ते असर खे धियान में रखंदे बिनही खे सिंधियत सेकशन में त रखियो वयो पर अलग अलग उनवान हेठि। कुल मिलाये कयल बदिलावन खां पोय हाणे सिंधियत सेकशन जा हिसा आहिन :
झूलेलाल जनम साखी
सिंधी धारमिक विशवास
सिंधी टिपणो
सिंधी डिण
सिंधी खाधो (सिंधी रेसीपीज)
सिंधी संगीत / वीडियो
खाधे जी शौकीन सिंधी कोम वासिते जलदु खाधो रधिण जा वीडियो शामिल करण जे रुख में कोशिश कबी। सागिये नमूने सिंधी गीत संगीत जा वीडियो शामिल करण ते बि कमु शुरू कयो आहे जीयं सिंधी नवजवानन खे सिंधी लोक कलाउन छेज, भगत, लाड़ा वगैरह सां वाकफियत वधायिण जो मोको मिले अयं उहे सिंधियत खे वधीक बेहतर नमूने समझी सघन।
सिंधियत सुहिणी रहे
एस पी सर (मंघिरमलानी) कोल्हापुर
13 मई 2021