दशहरो - विजियादशमी

जे सिंधी क़ौम हिक नंढी कामियाबीअ खे जलसे या डिण जो रूप डियण में माहिर आहे त भारत में त्योहारन उत्सवन जी कमी कोन आहे छो जो भारत में न सिर्फ अलग अलग धर्मन जा माणुहू रहन था पर उन्हन जे ज़िंदगी जियण जे तरीके सबब उन्हन जा डिण बि बदिलिजन था। जे भारत जे सभनी डिणन जो विचार कजे त शायद इहो तादाद साल जे डीहंन जे तादाद खां बि वधीक थींदो। भारत में जेके डिण वड़े पैमाने ते मलिहाया वञण था उन्हन मां हिकु आहे दशहरो या विजियादशमी। सिंधी डिण दशहरे जे वधीक मशहूर हुअण जा सबब आहिन :-
[१] दशहरो पसन्दीदा त्यौहार आहे छो जो इहो बरसात जी पछाडियीअ में मलिहायो वेन्दो आहे मतलब कुडिमिन जे मुल्क भारत में माणुहुन वटि वक़त हूंदो आहे। बियो त दशहरे खे सियारे जी मुंद जो पहिरियों त्यौहार लेखियो वेन्दो आहे इन करे बि माणुहू वधीक जोश में हूंदा आहिन।
[२] दशहरे जो भगवान राम सां लागापो हुअण बि न सिर्फ दशहरे जी अहमियत वधाये थो पर गडोगडु माणुहुन खे उमंग उत्साह अं श्रद्धा सां भरे छड़े थो।
[३] दशहरो बुराई ते सुठाई जी जीत जे मोके रूप में विजियादशमी तौर मलिहायो वञें थो।
भगवान राम जो भारतीयिन ते असर समझण वास्ते ऐतिरो ई काफी आहे त इहा एल के आडवाणी जी राम रथ यात्रा हुयी जहिं बीजेपी खे मरकज़ में सरकार ठाहिण जो मोको डिनो।