डियारी दीपावली

आम हिंदुन वांगुर सिंधी समाज बि डियारी ते लक्ष्मी माता जी पूजा करे थो पर पूजा जी जगह तेलक्ष्मी माता जी तसवीर सां गडु मिटिअ जी ठहियल खास बनावट हटिडी पिण नज़र अचे थी।
अजोके समे में मिटिअ जी हटिडिन जी जगह ते किन हंदन ते काठ जूं हटिडियूं त वधीक घरन में स्टील जी नंढिन पिलेटुन जो उपयोग थिये थो। इन्हन हटिडिन जे तादाद जो लागापो घर जे मरदन जे तादाद सां सिधी निसबत रखे थो। पुराणे वकत में हटिडिन जो तादाद घर जे मरदन जे तादाद खां हिकु वधीक [आस जी ] हूंदो हुओ पर हाणे जेतिरा मरद ओतिरियूं हटिडियूं।
सिंधी कौम वापारी कौम आहे ऐं पुराणे ज़माने में दुकान या वापार जी जगह खे हटु चयो वेन्दो हुओ।इहा हटिडी दरअसल में घर जे मरदन जे वापार जगह खे हट जी निशानी थिये थी। मतलब सिंधी कौम डियारी जे माता लक्ष्मी जी पूजा सां गडु हट जी पूजा करे माता खां वरु घुरन्दी आहे त न सिर्फ उन्हन जे धंधे में बरकत पवे – वाधारो अचो पर संदन वापार जे हंद ते पूजा घर जहिड़ी पवित्रता बि कायम रहे।
हटिडिन ते तोड़े हटड़ी पूजा वारी जगह जे मथां भित ते सिंदूर ऐं गुली सां हिक खास तसवीर बुटिडा छपी वेदी आहे [अजु कल्ह इहा तसवीर छपियल तयार मिले थी ] इन तसवीर में सिंदूर घर जी औरतुन खे सुहागिण रखण जो वरु घुरण जी निशानी तोर त गुली वधीक सफायी आणिण जो वरु घुरण तोर उपयोग में अचे थो। हकीकत में इहा तसवीर घर जो बुरी ताकतुन ऐं निरसा भरियल विचारन खां बचाउ हासिल करण वास्ते ठाही वेन्दी आहे।
हर हिक हटिडीअ ते सावक ऐं खुशहाली जे नुमाईन्दे तोर हिकु सावो मितेरो बि रखियो वेन्दो आहे। पूजा करण खां अगु आंदल हर मिठायी थोरी थोरी ऐं लाई जो टुकुर बि रखियो वेंदो आहे जहिं खे पूजा खां पोय प्रसाद जे रूप में खाधो वेन्दो आहे। पंज अठ डहाका अगु तायीं सिर्फ मरद ऐं छोकिरा हटिडिन जी पूजा कंदा हुआ पर हाणे घर जा सभु भाती मिली पूजा कनि था।