गणेशोत्सव

सिंधी समाज जी इहा बेमिसाल ऐं लासानी खूबी आहे त उहे हमेशा पंहिंजे आसपास रहण वारन बियन समाजन सां सामाजिक सतह ते न सिर्फ हिक जिनसायिप जा ख्वाइशमंद रहिया पर इन कोशिश में बियन समाजन जे उत्सवन डिणन खे पंहिंजो बणायिनण में बि देर न कंदा आहिन। 

हुअं त गणेशोत्सव मुख्य रूप सां महाराष्ट्रियन हिन्दु त्योहार आहे पर सिंधी क़ौम बि बियन हिन्दु कौमुन वांगुर श्री गणेश भगवान जी पूजा कन्दी आहे। केतिरा सिंधी त हर महीने गणेश चौथ [संकष्टी] जो विरतु बि रखन्दा आहिन ऐं लड़े अचण वासिते मज़बूर कयल सिंधी कौम खे 1947 में काफी वड़े तादाद में महाराष्ट्र में रियाइशी स्थानु डिनो वयो सो बियन समाजन जा मेल मिलाप करे हलण वारी सिंधी कौम गणेशोत्सव मलिहाइणु शुरू क्यों मतलब गणेशोत्सव खे सिंधी डिणन में वेझिडायीअ में शामिल थियल सिंधी डि णु आहे।

गणेश चतुर्थी जे डींहु गांधीनगर कोल्हापुर में रहन्दड केतिरा सिंधी कुटुंब बि महाराष्ट्रियन कुटुंबन वांगुर विघ्नहर्ता सुखकर्ता श्री गणेश जी मूर्ती घर आणे गणेशोत्सव जी शुरुआत कन्दा आहिन। घरन गणेशोत्सव अलग अलग अरसे वारो मतलब अध डीहं, डेढ डीह जो या गौरी गणपती विसर्जन तायीं पंजन छहन डीहंन जो। घर में रखियिल श्री गणेश जी सिंधी सुबह शाम आरती करे घर सजाये मिट्रन मायट्रन खे घुराये पूरी श्रद्धा सां गणेशोत्सव मलीहायींदा आहिन। गौरी गणपती विसर्जन डींहु गणेश मूर्ती खे [कोल्हापुर में पंचगंगा] नदी जल में प्रवाहित कियो वेन्दो आहे। 

मकानी हिंदुन वांगुर कुझु सिंधी सार्वजनिक मंडल पिणु गणेशोत्सव मलिहायिन था ऐं रिवायती नमूने गणेश चतुर्थी खां अनंत चतुर्थी तायीं पूजा अर्चना कनि था।