गोगियो नागपंचमी

सिंधी डिण [फेस्टीवल] – सावण जा सिंधी डिण -कोल्हापुर

नागपंचमी – गोगियो सावण जा सिंधी डिण में शामिल हिक अहिडो त्यौहार आहे जेको सिर्फ सिंधियिन तायीं महदूद न आहे पर जेको भारत में रहन्दड सभ हिन्दु कौमुं मलिहाईन थियूं। गोगियो या नागपंचमी सावण महीने जे शुक्ल पक्ष (चांड्रोकिन) जी पंजी तिथि ते मलिहायी वेन्दी आहे। चंगन सिंधी घरन में थधडीअ वांगुर गोगिये ते बि हिकु डींहुं अगु पचायल खाधो खायो वेन्दो आहे। अगे समे में त सिर्फ टिकियूं, लोला, खटाण, दही दुध  खाधो वेन्दो हुओ पर हाणे तरह तरह जा ताम ठाहिया वेन्दा आहिन।   

कोल्हापुर जे भरसां 32 शिराळा गोठ सजी दुनिया में नागपंचमी मलिहायिण वास्ते मशहूर आहे। हिते नागपंचमी खां अटकल हिकु हफ्तो अगु गोठ जा माणुहू नांग पकिडिण शुरू कन्दा आहिन इन्हन नांगन में कोबरा जहिडा ज़हरीला नांग बि शामिल आहिन। पकडियिल नांग हिक मटकी में रखिया वेन्दा आहिन। गोगियो/ नागपंचमी जे डींहु इन्हन नांगन खे जुलुस जे रूप में अम्बा देवी जे मंदिर में आन्दो वेन्दो आहे। 32 शिराळा ग्राम पंचायत पारां बेस्ट नांग जो इनाम डिनो वेन्दो आहे।

न सिर्फ कोल्हापुर पर महाराष्ट्र,कर्नाटक ऐं आंध्र प्रदेश राज्यन मां हजारें श्रद्धालु नांगन जो इहो जुलुस डिसण वास्ते 32 शिराळा गोठ में हाज़िर रहन्दा आहिन। सच में इहा अज़ब जी गालिह आहे त इन्हन नांगन जा ज़हर जा डन्द न कढिया वेन्दा आहिन तहिं हूंदे बि नागपंचमी जे डींहु को बि शख्स नांग जे चकु – चाहे नांग कोबरा जहिडो ज़हरीलो छो न हुजे – पायिण सबब न मरन्दो आहे।

अनंत, वासुकी, शेष, पदम, कँवल, कार्टोटक, कालिया,अस्वाटर, तक्षक, संखपाल, वगैरह सभ जा सभ हिन्दु पुराणन में जिकरु कियिल नांगन जे राजाउन जा नाला आहिन। दरअसल तमाम पुराणे समे में इंसानी नसल जहिडा जीव नांग धरतीअ ते रहन्दा हुआ, भगवान विष्णु जो आसान शेषनाग बि इन्हन जीवन में शामिल आहे।