गुरुनानक जयंती - गुरु पर्व
सिंधी डिण [फेस्टीवल] - गुरुनानक जयंती
हालांकि इहो सचु आहे त गुरुनानक देव जन खे सिख गुरु तौर डिठो वेन्दो आहे पर उन सां गडु इहो बि सचु आहे त सिंधी कौम जो हिकु वढो तबको गुरु नानक साहिब खे पहिंजो धार्मिक गुरु मञींन्दे पूजा कन्दो आहे तहिं करे गुरुनानक जयन्ती सिखन जो त्यौहार हूंदे बि सिंधियिन जे सालाने डिणन में अहमियत वारो डिण लेखियो वेन्दो आहे। सिंधियिन वास्ते गुरुनानक जयंती जी अहमियत समझण वास्ते ऐतिरो काफी आहे त भारत जे हर शहर में लगभग सभनी सिंधियिन जा दुकान गुरुनानक जयंती ते बंद रहन्दा आहिन।
गांधीनगर कोल्हापुर में गुरुनानक जयंती
असां वटि गांधीनगर कोल्हापुर में बि गुरुनानक जयंती वढे धाम धूम ऐं श्रद्धा सां मलिहायी वेन्दी आहे। गांधीनगर जो होलसेल ऐं रीटेल मार्किट साल जे जिन बिन डीहंन ते बंद रहंदो आहे से आहिन गुरु नानक जयंती ऐं चेट्री चंडु। गुरुनानक जयंती मलिहायिण जी शुरुआत सेंट्रल पंचायत गांधीनगर बिल्डिंग में गुरु ग्रन्थ साहिब जे भोग साहिब ऐं उन खां पोय लंगर सां थींदी आहे ऐं छटीअ तायीं हलन्दी आहे। सेंट्रल पंचायत खां सिवाय बियन दरबारुन बि गुरु ग्रन्थ साहिब जे भोग जो कार्यक्रम हूंदो आहे।
भाई साहिब मुरलीधर जग्यासी जी दरबार भक्ति धाम ऐं जयरामदास ठकुर जी दरबार ठाकुर धाम में गुरुनानक जयन्ती जे डीहुं गुरु ग्रन्थ साहिब जे भोग साहिब वक़त काफी वढे तादाद में श्रद्धालु मौजूद रहन्दा आहिन। सभ खां आखिर में मतलब छटीअ डीहं ते भाई साहिब हरिराम हजूरानी जी दरबार कँवल धाम में गुरु ग्रन्थ साहिब जो भोग ऐं लंगर रखियो वेन्दो आहे।