चालीहो -सिंधी डिण
सिंधी धार्मिक विरतु
चालीहो – उत्सव जो शुरुआती इतिहास
इहो इतिहास त सभनी खे खबर आहे त कीयं थट्टा में मिरक शाह हिन्दू सिंधियन ते ज़ुल्म किया ऐं कीयं वरुण देवता लाल साईं उडेरेलाल इस्लाम कबूल न करण वारन सिंधियन खे मिरक शाह जे क़हर खां बचायियो। [वधीक विस्तार सां पढिहंण लाय : झुलेलाल : जन्म खां अगु जो इतिहास] जीयं त झूलेलाल साहिब जे जन्म वठण जी आकाशवाणी ,नदिअ किनारे चालीह डीन्हन जी पूजा खां पोइ थी हुयी ही तहिंकरे वरुण शाह जा थोरा मणिण लाय चालिहे साहिब जी शुरुआत थी।
उन अरसे में थठा जी आदमशुमारीअ में सिंधियन जो तादाद काफी वडो हो तहिंकरे वक़्त गुजरण सां चालीहो सिंधी कौम जी समाजी ज़िन्दगीअ जो हिस्सों ऐं हिकु अहमियत वारो डिणु बणजी पियो। अजोके मॉडर्न वक़्त में बि सिंधी कौम सागियी श्रद्धा , विश्वास ऐं जोश सां चालीहो मलिहिन्दी आहे। चालीहन डीहन जे व्रत खां पोय झूलेलाल मंदिर में पूजा थींदी आहे ऐं वडी धामधूम सां बहिराणे साहिब जो जुलूस निकरंदो आहे। नदिअ किनारे पल्लव पायिण खां पोय चालिहे जी समापती थिंदी आहे।
शुरुआत में चालिहो साहिब सिर्फ थठा में ही मलिहायो वेंदो हो। उन समे में रोहरी सिंधी नयें साल चेट्री चंड्र मलिहायिण लाय मशहूर हूंदी हुई चवन था त साईं वसण शाह रोहिरीअ में चालिहो मलिहायिण जी शुरुआत कयी।
पीरगोठ जो बूलचन्दानी कुटुंब झूलेलाल साईं जो सच्चो भक्त्त हो ऐं खटूमल हर साल चालिहे लाय पीरगोठ मां रोहरी वेंदो हो। हिक साल साईं वसण शाह खटूमल खे चयो त हाणे तव्हांजी उमर थी वयी आहे ऐं पीरगोठ मां रोहरी अचण काफी तकलीफ भरियो आहे तहिंकरे तव्हां रोहरी अचण बदरां पीरगोठ में ई चालिहो मलिहायिण शुरू कियो। शुरुआत में पीरगोठ में फ़क़त चार श्रद्धालुन मिलिकरे चालीहे जी शुरुआत कयी। अहिड़ी तरह थठा ऐं रोहरी छड़ें बियन शहरन में पिण चालीहो मलिहायिण जी शुरुआत थी। मुल्क जे विरहांन्गे खां पोय बूलचन्दानी कुटुंब उल्हासनगर अची रहियो ऐं अजु कुटुंब जी पंजी पीढी “चालीहो साहिब मन्दिर उल्हासनगर -5 ” में श्रद्धालुन खे चालीहे जो व्रत रखण में मदद पयी करे।
बहिराणो वीडियो
चालीहो मलिहायिण जो तरीको - रीतियूं रिवाज़
भारत में आमु तौर जुलाई महीने में चालीहे जे व्रत जी शुरुआत थिंदी आहे। व्रत रखण चाहिन्दड श्रद्धालु लाल साईं जे मंदिर में कठा थींदा आहिन। पूजा करण बैद ब्राह्मण देवता हर हिक श्रद्धालुअ जे हथ ते गानो [A Special Red Thread ] बधन्दो आहे। व्रत पुरे थियण खां पोय ४१ डीन्ह ते इहो गानो नदिअ में प्रवाह कबो आहे।
विरत जी शुरुआत जी पूजा लाय घुरबल शयूं
४१ लौंग – ४१ फोटा – ४१ मिसरीअ [a kind of sugar] जूं तडियुं [pieces] – सवा किलो [1. 25 kg ] चाँवर – ५ मेवा – १ नारियलु
चालीहे दौरान विरतु रखण वारे लाय नियम
हिन विरत जे दोरान सादो भोजन करे सादी जिंदगी गुजारे बिरहमचरिय जो पालण अहमियत वारी गालिह आहे।
रोज सुबह जो पिरारथना करण खां पोय लाल साईं खे “अखो” अरपणु कियो वेंदो आहे।
खट या लंग ] ते सुमहण जी मनाही हूंदी आहे।
अछे रंग जा पदारथ जहिड़ोकि चांवर, खीरू या दही खायिण खां पासो करण घुरिजे।
वार अयं डाडिही न लाहिरायींण घुरिजे।
सादा कपडा पायिण घुरिजन। (केतिरा विरती त 40 डींहन जो समूरो अरसो हिक ई पोशाक पायींदा आहिन)
चमड़े जो पट्टो [Belt] या जूता पायिण खां पासो करण घुरिजे। (केतिरा त विरत जो समूरो अरसो उघाडे पैर रहंदा आहिन)
तेल साबण सुरमे जे वापर ते बंधन आहे।
हाणेके वकत में चंगा सिंधी चालीहन डींह न जी जगह ते 10 या 21 डींहन जो विरतु रखंदा आहिन।
चालीहो – कविता
चालीहे जो मोको आहे आयो
मिली लाल जा पंजड़ा गायो
आहिन सभु झूलण जा पियारा
अखो सेसा ऐं पलव वारा
सिंधियत जो अची शान वधयो।
मिली लाल जा पंजड़ा गायो।।
सुखाउन जो ही दरू आहे
आसू सभ जूं पुजाईंदो आहे
चढ़ही घोड़े ते हले शान सां
सेवक खे बि रखे मान सां
कढ़ी बहिराणो धूम मचायो।
मिली लाल जा पंजड़ा गायो।।
मिरक खां हिन सिन्ध बचायी
डाति जोति जी रीत हलायी
रखो विरतु डीन्हन चालीहन वारो
वरुणदेव जी आसीसुन वारो
छेज में आज़ाद सचल खे नचायो।
मिली लाल जा पंजड़ा गायो।।
चालीहे जी समापती
41हें डींह ते सभु व्रती श्रद्धालु उपवास रखन्दा आहिन ऐं मंझन्द खां पोय झूलेलाल मंदिर में कठा थी मिलीकरे पूजा कंदा आहिन। पूजा बैद सेसा खायी उपवास तोडियो वेंदो आहे। सभु श्रद्धालु मथे ते मटकी खणी , बहिराणे साहिब जे जुलूस सां नदीअ किनारे अची प्रार्थना करे झूलेलाल साईं जा थोरा मंयीन्दे व्रत जी समापती कंदा आहिन।